ਨਵੀਂ ਦਿੱਲੀ: ਦੁਨੀਆ ਦਾ ਸਭ ਤੋਂ ਸ਼ਕਤੀਸ਼ਾਲੀ ਦੇਸ਼ ਮੰਨੇ ਜਾਣ ਵਾਲੇ ਅਮਰੀਕਾ ‘ਚ ਕੋਰੋਨਾਵਾਇਰਸ ਦਾ ਕਹਿਰ ਜਾਰੀ ਹੈ। ਹੈਰਾਨੀ ਦੀ ਗੱਲ ਹੈ ਕਿ ਹੁਣ ਉਨ੍ਹਾਂ ਨੇ 100,000 ਦਾ ਅੰਕੜਾ ਪਾਰ ਕਰ ਲਿਆ ਹੈ। ਸ਼ੁੱਕਰਵਾਰ ਨੂੰ ਜਾਨਸ ਹੌਪਕਿਨਜ਼ ਯੂਨੀਵਰਸਿਟੀ ਦੇ ਟਰੈਕਰ ਨੇ ਇਨ੍ਹਾਂ ਤੱਥਾਂ ਨੂੰ ਸਾਹਮਣੇ ਰੱਖਿਆ। ਸ਼ੁੱਕਰਵਾਰ ਸ਼ਾਮ 6 ਵਜੇ ਤੱਕ ਯੂਐਸ ਵਿੱਚ 1,544 ਮੌਤਾਂ ਸਣੇ 1,00,717 ਮਾਮਲੇ ਸਾਹਮਣੇ ਆਏ ਹਨ। ਜ਼ਿਆਦਾਤਰ ਕੇਸ ਨਿਊਯਾਰਕ ਤੋਂ ਆ ਰਹੇ ਹਨ। ਸੰਯੁਕਤ ਰਾਜ ‘ਚ ਸੰਕਰਮਣ ਦੇ ਕੇਸਾਂ ਦੀ ਗਿਣਤੀ ਇਟਲੀ ਤੋਂ ਲਗਪਗ 15,000 ਅਤੇ ਚੀਨ ਤੋਂ 20,000 ਤੋਂ ਵੱਧ ਹੈ।
ਅਮਰੀਕਾ ‘ਚ ਸੰਕਰਮਿਤ ਮਾਮਲਿਆਂ ‘ਚ ਮੌਤ ਦੀ ਦਰ ਇਟਲੀ ਵਿਚ ਤਕਰੀਬਨ 10.5 ਪ੍ਰਤੀਸ਼ਤ ਦੇ ਮੁਕਾਬਲੇ 1.5 ਪ੍ਰਤੀਸ਼ਤ ਹੈ। ਮੌਤ ਦੀ ਦਰ ਘੱਟ ਹੋ ਸਕਦੀ ਹੈ ਕਿਉਂਕਿ ਇੱਕ ਵਿਸ਼ਾਲ ਪੱਧਰ ਦੀ ਜਾਂਚ ਤੋਂ ਪਤਾ ਲੱਗਿਆ ਹੈ ਕਿ ਜ਼ਿਆਦਾਤਰ ਲੋਕ ਸੰਕਰਮਿਤ ਹਨ ਪਰ ਉਨ੍ਹਾਂ ‘ਚ ਬਿਮਾਰੀ ਦੇ ਲੱਛਣ ਨਹੀਂ ਦਿਖੇ। ਹਾਲਾਂਕਿ, ਇਹ ਹੋਰ ਵੀ ਵਧ ਸਕਦਾ ਹੈ ਜੇ ਨਿਊਯਾਰਕ ਵਰਗੇ ਹਾਲਾਤ ਹੋਰ ਸ਼ਹਿਰ ਤੇ ਰਾਜਾਂ ਤੋਂ ਆਉਣੇ ਸ਼ੁਰੂ ਹੋਏ। ਨਿਊਯਾਰਕ ਵਿੱਚ 500 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ ਹਸਪਤਾਲ ਦੇ ਬਿਸਤਰੇ, ਨਿੱਜੀ ਸੁਰੱਖਿਆ ਉਪਕਰਣਾਂ ਅਤੇ ਵੈਂਟੀਲੇਟਰਾਂ ਦੀ ਭਾਰੀ ਘਾਟ ਹੈ।
ਗਲੋਬਲ ਮਹਾਮਾਰੀ ਦੇ ਅਗਲੇ ਕੇਂਦਰ ਵਜੋਂ ਅਮਰੀਕਾ ਦੇ ਉੱਭਰਨ ਨਾਲ, ਸ਼ੀ ਨੇ ਟਰੰਪ ਨੂੰ ਕੋਰੋਨਾਵਾਇਰਸ ਨਾਲ ਲੜਨ ‘ਚ ਚੀਨ ਦੀ ਪੂਰੀ ਮਦਦ ਦਾ ਭਰੋਸਾ ਦਿੱਤਾ। ਟਰੰਪ ਨੇ ਸ਼ੁੱਕਰਵਾਰ ਨੂੰ ਪੱਤਰਕਾਰਾਂ ਨੂੰ ਕਿਹਾ, “ਅਸੀਂ ਕੋਰੋਨਾਵਾਇਰਸ ‘ਤੇ ਗੱਲ ਕੀਤੀ ਕਿਉਂਕਿ ਉਹ ਬਹੁਤ ਪਹਿਲਾਂ ਇੱਥੇ ਆਇਆ ਸੀ ਇਸ ਲਈ ਉਨ੍ਹਾਂ ਕੋਲ ਵਾਧੂ ਤਜ਼ਰਬਾ ਹੈ। ਇਸ ਬਾਰੇ ਬਹੁਤ ਸਾਰੀ ਜਾਣਕਾਰੀ ਪਹਿਲਾਂ ਹੀ ਆ ਚੁੱਕੀ ਹੈ। ਅਸੀਂ ਇਸ ਨੂੰ ਡੇਟਾ ਕਹਿੰਦੇ ਹਾਂ ਤੇ ਅਸੀਂ ਚੀਨੀ ਤਜ਼ਰਬੇ ਤੋਂ ਬਹੁਤ ਕੁਝ ਸਿੱਖਣ ਜਾ ਰਹੇ ਹਾਂ।”
