ਮਾਨਸਾ, 25 ਮਈ:- (ਸਾਰਾ ਯਹਾਂ/ ਗੁਰਪ੍ਰੀਤ ਧਾਲੀਵਾਲ): ਜਿਵੇਂ ਕਿ ਆਪ ਸਭਨਾਂ ਨੂੰ ਪਤਾ ਹੀ ਹੈ ਕਿ ਸ੍ਰੀ ਅਮਰਨਾਥ ਦੀ ਪਵਿੱਤਰ ਗੁਫਾ ਤੇ ਸ਼ਿਵ ਭਗਤਾਂ ਲਈ ਹਰ ਹਰ ਮਹਾਦੇਵ ਸੇਵਾ ਮੰਡਲ ਮਾਨਸਾ ਜੋ ਲਗਾਤਾਰ 23 ਸਾਲਾਂ ਤੋਂ ਮਾਨਸਾ ਵਾਸੀਆਂ ਦੇ ਸਹਿਯੋਗ ਨਾਲ ਬਿਨਾਂ ਰੁਕੇ ਵਿਸ਼ਾਲ ਭੰਡਾਰਾਂ ਲਗਾ ਰਹੀ ਹੈ। ਮਾਨਸਾ ਵਾਸੀਉ ਅਮਰਨਾਥ ਲੱਗਣ ਵਾਲੇ ਮਾਨਸਾ ਦੇ ਸਭ ਤੋ ਵੱਡੇ ਵਿਸ਼ਾਲ ਭੰਡਾਰੇ ਵਿੱਚ ਜੋ ਪਿਛਲੇ ਸਾਲ 2022 ਕੁਦਰਤੀ ਆਫ਼ਤ ਆਉਣ ਨਾਲ ਸਾਰੇ ਟੈਂਟ ਅਤੇ ਭਾਰੀ ਮਾਤਰਾ ਵਿੱਚ ਗਰਮ ਕੰਬਲ ਅਤੇ ਹੋਰ ਯਾਤਰਾ ਵਾਸਤੇ ਜ਼ਰੂਰੀ ਸਮਾਨ ਤਹਿਸ ਨਹਿਸ ਹੋ ਗਿਆ ਸੀ ਅਤੇ ਇਸਦੇ ਬਾਵਜੂਦ ਵੀ ਮਾਨਸਾ ਵਾਲਿਆਂ ਦਾ ਭੰਡਾਰਾ ਚਲਦਾ ਰਿਹਾ ਅਤੇ ਸਾਡੇ ਸ਼ਿਵ ਭਗਤਾਂ ਨੇ ਆਪਣੀ ਜਾਨ ਦੀ ਪ੍ਰਵਾਹ ਨਾ ਕਰਦਿਆਂ ਲੋਕਾਂ ਨੂੰ ਉਸ ਮੁਸ਼ਕਲ ਦੀ ਘੜੀ ਵਿੱਚੋ ਬਾਹਰ ਕੱਢਿਆ ਅਤੇ ਪਰਿਵਾਰ ਦੇ ਇਕ ਦੂਜੇ ਵਿਛੜੇ ਲੋਕਾਂ ਨੂੰ ਮਿਲਾਇਆਂ। ਸ਼ਿਵ ਭਗਤਾਂ ਦੀ ਹਰ ਸੰਭਵ ਮਦਦ ਕੀਤੀ ਸੀ। ਇਸ ਵਾਰ ਵੀ ਸ਼ਿਵ ਭਗਤਾਂ ਦੇ ਆਸ਼ੀਰਵਾਦ ਨਾਲ ਲੰਗਰ ਲਗਾਇਆ ਜਾ ਰਿਹਾ ਹੈ। ਜਿਸ ਲਈ ਤੁਹਾਡੇ ਅਸ਼ੀਰਵਾਦ ਅਤੇ ਸਾਥ ਦੀ ਜਰੂਰਤ ਹੈ। ਵਿਸ਼ਾਲ ਭੰਡਾਰਾਂ ਲਗਾਉਣ ਲਈ ਦਾਨ ਵੱਧ ਤੋਂ ਵੱਧ ਦਿਓ ਚਾਹੇ ਕਿਸੇ ਵੀ ਤਰ੍ਹਾਂ ਦਾ ਹੋਵੇ।
