ਸਰਦੂਲਗੜ੍ਹ/ਝੁਨੀਰ10 ਅਪ੍ਰੈਲ (ਸਾਰਾ ਯਹਾਂ/ਬਲਜੀਤ ਪਾਲ): ਬਾਬਾ ਧਿਆਨ ਦਾਸ ਦੇ ਸਾਲਾਨਾ ਜੋੜ ਮੇਲੇ ਤੇ ਹਰ ਸਾਲ ਦੀ ਤਰ੍ਹਾਂ ਡੇਰਾ ਬਾਬਾ ਧਿਆਨ ਦਾਸ ਝੁਨੀਰ ਵਿਖੇ ਸਹਾਰਾ ਜਨ ਸੇਵਾ ਸੁਸਾਇਟੀ ਝੁਨੀਰ ਅਤੇ ਮਹਾਂਦੇਵ ਕਾਂਵਡ਼ ਸੰਘ ਝੁਨੀਰ ਦੇ ਸਹਿਯੋਗ ਨਾਲ ਵਿਸ਼ਾਲ ਖੂਨਦਾਨ ਕੈਂਪ ਲਗਾਇਆ ਗਿਆ।ਕੈੰਪ ਦੌਰਾਨ ਹਰਦੇਵ ਸਿੰਘ ਸਰਾਂ ਬਲੱਡ ਸੈਂਟਰ ਮਾਨਸਾ ਦੀ ਟੀਮ ਖੂਨ ਇਕੱਤਰ ਕਰਨ ਲਈ ਪਹੁੰਚੀ।ਕੈੰਪ ਦੌਰਾਨ ਸਵੈ-ਇੱਛ ਖ਼ੂਨਦਾਨੀਆਂ ਵੱਲੋਂ ਤਕਰੀਬਨ 51 ਯੂਨਿਟ ਖ਼ੂਨਦਾਨ ਕੀਤਾ ਗਿਆ। ਇਸ ਮੌਕੇ ਸਰਪੰਚ ਅਮਨਗੁਰਵੀਰ ਸਿੰਘ ਲਾਡੀ ਨੇ ਖੂਨਦਾਨੀਆ ਨੂੰ ਸਨਮਾਨਤ ਕਰਦਿਆਂ ਕਿਹਾ ਕਿ ਖੂਨਦਾਨ ਮਹਾਂਦਾਨ ਹੈ। ਦਾਨ ਕੀਤੇ ਖੂਨ ਨਾਲ ਅਸੀਂ ਕੀਮਤੀ ਮਨੁੱਖੀ ਜਾਨਾਂ ਬਚਾ ਸਕਦੇ ਹਾਂ। ਇਸ ਨੇਕ ਕਾਰਜ ਚ ਹਰ ਇੱਕ ਤੰਦਰੁਸਤ ਵਿਅਕਤੀ ਨੂੰ ਖ਼ੂਨਦਾਨ ਕਰਕੇ ਆਪਣਾ ਸਹਿਯੋਗ ਪਾਉਣਾ ਚਾਹੀਦਾ ਹੈ।
ਇਸ ਮੌਕੇ ਖ਼ੂਨਦਾਨੀ ਗੁਰਪ੍ਰੀਤ ਸਿੰਘ ਭੰਮਾ, ਸੰਜੀਵ ਕੁਮਾਰ ਸਿੰਗਲਾ, ਗੁਰਦੀਪ ਗੈਟੀ, ਬਾਬਾ ਧਿਆਨ ਦਾਸ ਕਮੇਟੀ ਪ੍ਰਧਾਨ ਰਵਿੰਦਰ ਸਿੰਘ, ਸੁਰਜੀਤ ਫੌਜੀ, ਨਰ ਸਿੰਘ ਸਿੱਧੂ, ਗੁਰਦੀਪ ਭਲਾਈਕੇ, ਸੇਠ ਪਾਲਾ ਰਾਮ ਝੁਨੀਰ, ਪ੍ਰੇਮ ਕੁਮਾਰ ਸਿੰਗਲਾ, ਓਮ ਪ੍ਰਕਾਸ਼, ਧਰਮਪਾਲ ਸਿੰਘ ਆਦਿ ਹਾਜ਼ਰ ਸਨ।
ਕੈਪਸ਼ਨ: ਜੋੜ ਮੇਲੇ ਦੌਰਾਨ ਲਗਾਏ ਕੈੰਪ ਚ ਖੂਨਦਾਨ ਕਰਦੇ ਖੂਨਦਾਨੀ ਅਤੇ ਪ੍ਰਬੰਧਕ।
