ਸਰਦੂਲਗੜ੍ਹ 05 ਅਪ੍ਰੈਲ (ਸਾਰਾ ਯਹਾਂਂ/ਬਲਜੀਤ ਪਾਲ) : ਸਰਦੂਲਗਡ਼੍ਹ ਨੂੰ ਜਾ ਰਹੀ ਇਕ ਨਿੱਜੀ ਬੱਸ ਦੀ ਕਾਰ ਨਾਲ ਸਿੱਧੀ ਟੱਕਰ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਾਣਕਾਰੀ ਅਨੁਸਾਰ ਜਟਾਣਾ ਕਲਾਂ ਦਾ ਸੁਖਵਿੰਦਰ ਸਿੰਘ ਪੁੱਤਰ ਬੂਟਾ ਸਿੰਘ ਆਪਣੀ ਪਤਨੀ ਸਮੇਤ ਆਲਟੋ ਕਾਰ ਨੰਬਰ ਪੀ.ਬੀ. 03 ਬੀ.ਈ. 5936 ਰਾਹੀ ਸਰਦੂਲਗੜ੍ਹ ਤੋਂ ਆਪਣੇ ਪਿੰਡ ਜਟਾਣਾ ਕਲਾਂ ਨੂੰ ਜਾ ਰਿਹਾ ਸੀ। ਪਰ ਜਦੋ ਉਹ ਜਟਾਣਾ ਕੈਚੀਆਂ ਤੋ ਜਟਾਣਾ ਕਲਾਂ ਦੇ ਵਿਚਕਾਰ ਪਹੁੰਚੇ ਤਾਂ ਅੱਗੇ ਤੋਂ ਸਰਦੂਲਗੜ੍ਹ ਨੂੰ ਆ ਰਹੀ ਇਕ ਨਿਜੀ ਕੰਪਨੀ ਦੀ ਬੱਸ ਨੰਬਰ ਪੀ.ਬੀ.03ਏ.ਪੀ. 7748 ਨਾਲ ਸਿੱਧੀ ਟੱਕਰ ਹੋ ਗਈ। ਜਿਸ ਵਿਚ ਦੋਵੇ ਪਤੀ-ਪਤਨੀ ਗੰਭੀਰ ਜਖਮੀ ਹੋ ਗਏ। ਜਿੰਨਾਂ ਨੂੰ ਸਮਾਜ ਸੇਵੀ ਸੰਸਥਾ ਵੱਲੋਂ ਤੁਰੰਤ ਹੀ ਇਲਾਜ ਲਈ ਸਿਵਲ ਹਸਪਤਾਲ ਸਰਦੂਲਗੜ੍ਹ ਲਿਆਂਦਾ ਗਿਆ। ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮੁੱਢਲੀ ਸਹੂਲਤ ਦਿੰਦਿਆਂ ਗੰਭਿਰ ਹਾਲਤ ਵੇਖਦਿਆਂ ਸਿਰਸਾ ਰੈਫਰ ਕਰ ਦਿੱਤਾ। ਸੁਖਵਿੰਦਰ ਸਿੰਘ ਦਾ ਕਰੀਬ 3 ਮਹੀਨਾ ਪਹਿਲਾਂ ਹੀ ਵਿਆਹ ਹੋਇਆਂ ਹੈ। ਅੱਜ ਦੋਵੇ ਪਤੀ-ਪਤਨੀ ਆਪਣੇ ਵਿਆਹ ਦੀ ਅੇੈਲਬੰਬ (ਫੋਟੋਆਂ) ਲੈਕੇ ਆ ਰਹੇ ਸਨ ਕਿ ਰਾਸਤੇ ਚ ਇਹ ਹਾਦਸਾ ਵਾਪਰ ਗਿਆ। ਸਰਦੂਲਗੜ੍ਹ ਪੁਲਸ ਮੌਕੇ ਤੇ ਪਹੁੰਚਕੇ ਆਪਣੀ ਜਾਂਚ ਸੁਰੂ ਕਰ ਦਿੱਤੀ ਹੈ।
ਕੈਪਸ਼ਨ: ਬੱਸ ਅਤੇ ਕਾਰ ਚ ਹੋਈ ਸਿੱਧੀ ਟੱਕਰ ਦਾ ਦ੍ਰਿਸ਼ ।
