ਨਵੀਂ ਦਿੱਲੀ 16 ਜੁਲਾਈ 2020 (ਸਾਰਾ ਯਹਾ/ਬਿਓਰੋ ਰਿਪੋਰਟ) : ਸਿਵਲ ਐਵੀਏਸ਼ਨ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਅੱਜ ਇੱਕ ਪ੍ਰੈੱਸ ਬ੍ਰੀਫਿੰਗ ਵਿੱਚ ਕਿਹਾ ਕਿ ਅੰਤਰਰਾਸ਼ਟਰੀ ਉਡਾਣਾਂ ਕੁਝ ਦੇਸ਼ਾਂ ਨਾਲ ਬਾਈਲੇਟਰਲ ਏਅਰ ਬੱਬਲ ਹੇਠ ਮੁੜ ਸ਼ੁਰੂ ਹੋ ਸਕਦੀਆਂ ਹਨ। ਭਾਰਤ ਸਮੇਤ ਬਹੁਤ ਸਾਰੇ ਮੁਲਕ ਹਾਲੇ ਵੀ ਕੋਰੋਨਾਵਾਇਰਸ ਮਹਾਮਾਰੀ ਦੇ ਮੱਦੇਨਜ਼ਰ ਪ੍ਰਵੇਸ਼ ਪਾਬੰਦੀਆਂ ਲਾ ਰਹੇ ਹਨ।
ਪੂਰੀ ਨੇ ਟਵੀਟ ਕਰ ਕਿਹਾ ਕਿ, ” ਅਸੀਂ ਤਿੰਨ ਦੇਸ਼ਾਂ ਦੇ ਵਿਚਕਾਰ ਇੱਕ ਬਹੁਤ ਹੀ ਉੱਨਤ ਪੜਾਅ ‘ਤੇ ਹਾਂ ਤੇ ਇਹ ਇੱਕ ਕੰਮ-ਵਿੱਚ-ਪ੍ਰਗਤੀ ਹੈ। ਉਦਾਹਰਣ ਵਜੋਂ, ਏਅਰ ਫਰਾਂਸ 18 ਜੁਲਾਈ ਤੋਂ 1 ਅਗਸਤ ਤੱਕ ਦਿੱਲੀ, ਮੁੰਬਈ, ਬੰਗਲੁਰੂ ਤੇ ਪੈਰਿਸ ਵਿਚਕਾਰ 28 ਉਡਾਣਾਂ ਦਾ ਸੰਚਾਲਨ ਕਰੇਗੀ। ਸਾਡੀ ਜਰਮਨ ਕੈਰੀਅਰਸ ਤੋਂ ਬੇਨਤੀ ਹੈ ਕਿ ਉਹ ਭਾਰਤ ਲਈ ਉਡਾਣਾਂ ਦੀ ਆਗਿਆ ਦੇਵੇ ਤੇ ਅਸੀਂ ਇਸ ‘ਤੇ ਕਾਰਵਾਈ ਕਰ ਰਹੇ ਹਾਂ, ਜਦੋਂਕਿ ਅਮਰੀਕਾ 17 ਤੋਂ 31 ਜੁਲਾਈ ਦਰਮਿਆਨ 18 ਉਡਾਣਾਂ ਚਾਲਾ ਰਿਹਾ ਹੈ, ਪਰ ਇਹ ਇਕ ਅੰਤਰਿਮ ਹੈ। “-
ਟ੍ਰੈਵਲ ਬੱਬਲ ਦੋ ਦੇਸ਼ਾਂ ਦੇ ਵਿਚਕਾਰ ਇੱਕ ਯਾਤਰਾ ਲਾਂਘਾ ਹੁੰਦਾ ਹੈ ਜੋ ਆਪਣੀਆਂ ਸਰਹੱਦਾਂ ਨੂੰ ਖੋਲ੍ਹਣਾ ਚਾਹੁੰਦੇ ਹਨ ਤੇ ਇੱਕ ਦੂਜੇ ਨਾਲ ਸੰਪਰਕ ਸਥਾਪਤ ਕਰਨਾ ਚਾਹੁੰਦੇ ਹਨ।
