ਮਾਨਸਾ, 23 ਫਰਵਰੀ, (ਸਾਰਾ ਯਹਾਂ/ਮੁੱਖ ਸੰਪਾਦਕ) ਸੰਤ ਨਿਰੰਕਾਰੀ ਮਿਸਨ ਮਾਨਸਾ ਬ੍ਰਾਂਚ ਦੇ ਸੰਜੋਜਕ ਸ਼੍ਰੀ ਦਲੀਪ ਕੁਮਾਰ ਰਵੀ ਜੀ,ਹਰਬੰਸ ਸਿੰਘ ਸੰਚਾਲਕ, ਅਸ਼ੋਕ ਕੁਮਾਰ ,ਜੀ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸਤਿਗੁਰੂ ਮਾਤਾ ਸੁਦੀਕਸਾ ਜੀ ਮਹਾਰਾਜ ਅਤੇ ਸਤਿਕਾਰਯੋਗ ਨਿਰੰਕਾਰੀ ਰਾਜਪਿਤਾ ਰਮਿਤ ਜੀ ਦੇ ਪਵਿੱਤਰ ਆਸੀਰਵਾਦ ਨਾਲ ਸੰਤ ਨਿਰੰਕਾਰੀ ਮਿਸ਼ਨ ਦੀ ਸੇਵਾ ਦੀ ਭਾਵਨਾ ਅਤੇ ਮਾਨਵ ਭਲਾਈ ਦੇ ਸੰਕਲਪ ਨੂੰ ਸਾਕਾਰ ਕਰਨ ਲਈ, ‘ਪ੍ਰੋਜੈਕਟ ਅੰਮ੍ਰਿਤ ਅਧੀਨ ਸਵੰਛ ਜਲ, ਸਵੱਛ ਮਨ ਪ੍ਰੋਜੈਕਟ ਦੇ ਤੀਜੇ ਪੜਾਅ ਦਾ ਉਦਘਾਟਨ ਅੱਜ ਐਤਵਾਰ, 23 ਫਰਵਰੀ 2025 ਨੂੰ ਦੇਸ ਭਰ ਵਿੱਚ ਸਾਨਦਾਰ ਢੰਗ ਨਾਲ ਕੀਤਾ ਜਗਿਆ। ਇਸ ਮੌਕੇ ਵਿਜੈ ਕੁਮਾਰ ਸਿੰਗਲਾ ਜੀ, MLA, ਗੋਲਡੀ ਜੀ,ਰਾਮਪਾਲ MC, ਪਿੰਕਾ ਜੀ,ਅਤੇ ਹੋਰ ਮਾਨਸਾ ਦੇ ਸਮਾਜਸੇਵੀ ਹਾਜਰ ਸਨ। ਮਾਨਸਾ ਬ੍ਰਾਂਚ ਦੇ ਲਗਭਗ400 ਸੇਵਾਦਾਰਾਂ ਜਿਨ੍ਹਾਂ ਵਿਚ ਭਾਈ ,ਭੈਣਾਂ, ਬੱਚੇ, ਬਜ਼ੁਰਗ ਸਾਮਿਲ ਸਨ ਉਹਨਾਂ ਵੱਲੋਂ ਪਿਛਲੇ ਸਾਲ ਦੀ ਤਰ੍ਹਾਂ ਅੱਜ ਵੀ ਸਵੇਰੇ 7 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ ਸੇਂਟਰਲ ਪਾਰਕ, ਵਾਟਰ ਵਰਕਸ, ਮਾਨਸਾ ਵਿਖੇ ਸਫਾਈ ਅਭਿਆਨ ਚਲਾਇਆ ਗਿਆ। ਸੇਂਟਰਲ ਪਾਰਕ,ਵਾਟਰ ਵਰਕਸ ਵਿਖੇ ਪਾਣੀ ਦੇ ਟੈਂਕਾਂ ਤੇ ਉਸਦੇ ਆਸ ਪਾਸ ਖੇਤਰ ਆਦਿ ਦੀ ਸਫਾਈ ਕੀਤੀ ਗਈ, ਪਹਿਲਾਂ ਲਗਾਏ ਪੌਦਿਆਂ ਦੀ ਸੰਭਾਲ ਵੀ ਕੀਤੀ ਗਈ ਤੇ ਕੁਝ ਹੋਰ ਨਵੇਂ ਪੌਦੇ ਵੀ ਲਗਾਏ ਗਏ।
ਅੱਜ ਦੇ ਦਿਨ ਇਸ ਪ੍ਰੋਜੈਕਟ ਦਾ ਮੇਨ ਉਦੇਸ ਪਾਣੀ ਦੀ ਸੰਭਾਲ ਅਤੇ ਸਫਾਈ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨਾ ਸੀ, ਤਾਂ ਜੋ ਆਉਣ ਵਾਲੀਆਂ ਪੀੜੀਆਂ ਨੂੰ ਸਾਫ ਪਾਣੀ ਅਤੇ ਸਿਹਤਮੰਦ ਵਾਤਾਵਰਣ ਦੀ ਬਖਸਸਿ ਮਿਲ ਸਕੇ।
ਸੰਤ ਨਿਰੰਕਾਰੀ ਮਿਸਨ ਦੇ ਬਾਬਾ ਹਰਦੇਵ ਸਿੰਘ ਜੀ ਮਹਾਰਾਜ ਦੀਆਂ ਪ੍ਰੇਰਨਾਦਾਇਕ ਸਿੱਖਿਆਵਾਂ ਨੂੰ ਅਪਣਾਉਂਦੇ ਹੋਏ, ਭਾਰਤ ਸਰਕਾਰ ਦੇ ਸੱਭਿਆਚਾਰ ਮੰਤਰਾਲੇ ਦੇ ਸਹਿਯੋਗ ਨਾਲ ਸਾਲ 2023 ਵਿੱਚ ਪ੍ਰੋਜੈਕਟ ਅੰਮ੍ਰਿਤ ਸ਼ੁਰੂ ਕੀਤਾ ਗਿਆ ਸੀ। ਇਸ ਪਹਿਲਕਦਮੀ ਦਾ ਉਦੱਸ ਨਾ ਸਿਰਫ ਪਾਣੀ ਦੇ ਸਰੋਤਾਂ ਦੀ ਸਫਾਈ ਨੂੰ ਯਕੀਨੀ ਬਣਾਉਣਾ ਹੈ, ਸਗੋਂ ਪਾਣੀ ਦੀ ਸੰਭਾਲ ਨੂੰ ਮਨੁੱਖੀ ਜੀਵਨ ਦਾ ਅਨਿੱਖੜਵਾਂ ਅੰਗ ਬਣਾਉਣ ਦੀ ਮਾਨਸਿਕਤਾ ਨੂੰ ਵਿਕਸਤ ਕਰਨਾ ਵੀ ਹੈ। ਨਦੀਆਂ, ਝੀਲਾਂ, ਤਲਾਬ,
ਖੂਹਾਂ ਅਤੇ ਚਸਮੇ ਵਰਗੇ ਕੁਦਰਤੀ ਜਲ ਸਰੋਤਾਂ ਦੀ ਸਫਾਈ ਅਤੇ ਸੰਭਾਲ ਨੂੰ ਸਮਰਪਿਤ ਇਸ ਮੈਗਾ ਮੁਹਿੰਮ ਨੇ ਆਪਣੇ ਪਹਿਲੇ ਦੋ ਪੜਾਵਾਂ ਵਿੱਚ ਬੇਮਿਸਾਲ ਸਫਲਤਾ ਪ੍ਰਾਪਤ ਕੀਤੀ। ਇਸੇ ਪ੍ਰੇਰਨਾ ਨਾਲ, ਇਸ ਸਾਲ ਤੀਜੇ ਪੜਾਅ ਨੂੰ ਵਧੇਰੇ ਵਿਆਪਕ, ਅਤੇ ਦੂਰ ਅਦੇਸੀ ਪ੍ਰਭਾਵਸ਼ਾਲੀ ਦ੍ਰਿਸਟੀਕੋਣ ਨਾਲ ਅੱਗੇ ਵਧਾਇਆ ਗਿਆ ਹੈ, ਤਾਂ ਜੋ ਇਹ ਮੁਹਿੰਮ ਫੈਲਦੀ ਰਹੇ ਅਤੇ ਸਮਾਜ ਵਿੱਚ ਜਾਗਰੂਕਤਾ, ਸੇਵਾ ਅਤੇ ਸਮਰਪਣ ਦੀ ਇੱਕ ਮਜਬੂਤ ਲਹਿਰ ਪੈਦਾ ਹੋਵੇ। ਜਾਣਕਾਰੀ ਦਿੰਦੇ ਹੋਏ, ਸੰਤ ਨਿਰੰਕਾਰੀ ਬ੍ਰਾਂਚ ਮਾਨਸਾ ਦੇ, ਮਾਣਯੋਗ ਸੇਵਾਦਾਰ ਮੇਮਬਰ ਨਰੇਸ਼ ਕੁਮਾਰ ਗਰਗ ਜੋ ਪੇਸ਼ੇ ਵਜੋਂ ਐਡਵੋਕੇਟ ਹਨ ਉਹਨਾਂ ਨੇ ਹੋਰ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਇਹ ਵਿਸਾਲ ਮੁਹਿੰਮ ਅੱਜ ਦੇ ਦਿਨ 23 ਫਰਵਰੀ ਨੂੰ ਦੇਸ ਭਰ ਦੇ 27 ਰਾਜਾਂ ਅਤੇ ਕੇਂਦਰ ਸਾਸਤ ਪ੍ਰਦੇਸਾਂ ਦੇ 900 ਤੋਂ ਵੱਧ ਸਹਿਰਾਂ ਵਿੱਚ 1600 ਤੋਂ ਵੱਧ ਥਾਵਾਂ
‘ਤੇ ਇੱਕੋ ਸਮੇਂ ਆਯੋਜਿਤ ਕੀਤੀ ਗਈ ਹੈ। ਇਸ ਮੁਹਿੰਮ ਦੀ ਇਹ ਬੇਮਿਸਾਲ ਪ੍ਰਕਿਰਤੀ ਇਸਨੂੰ ਇੱਕ ਇਤਿਹਾਸਕ ਪਹਿਲੂ ਦੇਵੇਗੀ, ਜਿਸ ਨਾਲ ਪਾਣੀ ਦੀ ਸੰਭਾਲ ਅਤੇ ਸਫਾਈ ਦਾ ਸੁਨੇਹਾ ਲੋਕਾਂ ਤੱਕ ਵਧੇਰੇ ਪ੍ਰਭਾਵਸਾਲੀ ਢੰਗ ਨਾਲ ਪਹੁੰਚ ਸਕੇਗਾ।
ਦੇਸ ਭਰ ਵਿੱਚ ਅੱਜ ਦੇ ਦਿਨ ਸੰਤ ਨਿਰੰਕਾਰੀ ਮਿਸਨ ਦੇ ਲਗਭਗ 10 ਲੱਖ ਵਲਟੀਅਰਾ ਵਲੋਂ ਲੋਕਾਂ ਨੂੰ ਪਾਣੀ ਸੰਭਾਲ ਅਤੇ ਸਫਾਈ ਦਾ ਸੰਦੇਸ ਦਿੱਤਾ ਗਿਆ। ਇਹ ਪਹਿਲ ਸਿਰਫ ਸਫਾਈ ਤੱਕ ਸੀਮਤ ਨਹੀਂ ਰਹੇਗੀ, ਸਗੋਂ ਅੱਜ ਦੀ ਨੌਜਵਾਨ ਪੀੜ੍ਹੀ ਨੂੰ ਸਮਾਜ ਭਲਾਈ ਪ੍ਰਤੀ ਸਕਾਰਾਤਮਕ ਕੰਮ ਕਰਨ ਲਈ ਪ੍ਰੇਰਿਤ ਕਰਨ ਦਾ ਇੱਕ ਸਕਤੀਸਾਲੀ ਮਾਧਿਅਮ ਬਣੇਗੀ।
ਸਤਿਗੁਰੂ ਮਾਤਾ ਸੁਦੀਕਸਾ ਜੀ ਮਹਾਰਾਜ ਵੀ ਅਕਸਰ ਸਾਨੂੰ ਇਸ ਧਰਤੀ ਤੋਂ ਹੋਰ ਵੀ ਸੁੰਦਰ ਢੰਗ ਨਾਲ ਵਿਦਾ ਹੋਣ ਲਈ ਪ੍ਰੇਰਿਤ ਕਰਦੇ ਹਨ। ਇਹ ਮੁਹਿੰਮ ਉਸ ਸੰਕਲਪ ਦਾ ਠੋਸ ਪ੍ਰਗਟਾਵਾ ਹੈ ਜੋ ਸਮਾਜ ਨੂੰ ਜਾਗਰੂਕਤਾ, ਸੇਵਾ ਅਤੇ ਸਮਰਪਣ ਦੀ ਦਿਸਾ ਵਿੱਚ ਅੱਗੇ ਲਿਜਾਣ ਲਈ ਕੰਮ ਕਰੇਗਾ
