ਸਰਦੂਲਗੜ੍ਹ, 16 ਮਾਰਚ (ਸਾਰਾ ਯਹਾਂ/ਬਲਜੀਤ ਪਾਲ)ਆੜ੍ਹਤੀਆ ਐਸੋਸੀਏਸ਼ਨ ਸਰਦੂਲਗੜ੍ਹ ਦੀ ਮੀਟਿੰਗ ਸਥਾਨਕ ਅਨਾਜ ਮੰਡੀ ਵਿਖੇ ਕੀਤੀ ਗਈ। ਪ੍ਰਧਾਨ ਸਾਹਿਲ ਗਰਗ ਚੌਧਰੀ ਨੇ ਜਾਣਕਾਰੀ ਦਿੱਤੀ ਕਿ ਐਫ.ਸੀ.ਆਈ. ਦੇ ਨਵੇਂ ਫ਼ਰਮਾਨ ਅਨੁਸਾਰ ਸਿੱਧੀ ਅਦਾਇਗੀ ਦਾ ਫਾਰਮੂਲਾ ਬਣਾ ਕੇ ਆਡ਼੍ਹਤੀਆਂ ਤੇ ਕਿਸਾਨਾਂ ਦੇ ਰਿਸ਼ਤੇ ਨੂੰ ਤੋੜਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ, ਜਿਸ ਦੇ ਵਿਰੋਧ ‘ਚ ਸਰਬਸੰਮਤੀ ਨਾਲ ਫੈਸਲਾ ਲਿਆ ਗਿਆ ਕਿ 20 ਮਾਰਚ ਨੂੰ ਅਨਾਜ ਮੰਡੀ ਮੁਕੰਮਲ ਤੌਰ ਤੇ ਬੰਦ ਰਹੇਗੀ। ਉਨ੍ਹਾਂ ਦੱਸਿਆ ਕਿ ਬੰਦ ਵਾਲੇ ਦਿਨ ਐਸੋਸੀਏਸ਼ਨ ਮੈਂਬਰ ਗਊਸ਼ਾਲਾ ਭਵਨ, ਮਾਨਸਾ ਵਿਖੇ ਰੱਖੀ ਜ਼ਿਲ੍ਹਾ ਪੱਧਰੀ ਇਕੱਤਰਤਾ ਵਿੱਚ ਸ਼ਾਮਲ ਹੋਣਗੇ। ਇਸ ਮੌਕੇ ਜਰਨਲ ਸਕੱਤਰ ਭੋਜ ਰਾਜ ਸਿੰਗਲਾ, ਵਾਈਸ ਪ੍ਰਧਾਨ ਵਿਜੇ ਸਿੰਗਲਾ, ਬਿਕਰਮਜੀਤ ਗਰਗ, ਰਾਧੇ ਸ਼ਾਮ ਗਰਗ, ਸੁਭਾਸ਼ ਕੁਮਾਰ, ਰਮੇਸ਼ ਕੁਮਾਰ ਬੰਟੂ, ਅਨਿਲ ਚੌਧਰੀ, ਅੰਮ੍ਰਿਤਪਾਲ ਬੱਪੀ, ਪ੍ਰਾਣ ਜੈਨ, ਰਾਜ ਕੁਮਾਰ ਆਦਿ ਹਾਜ਼ਰ ਸਨ।
