ਬੁਢਲਾਡਾ 11 ਨਵੰਬਰ(ਸਾਰਾ ਯਹਾਂ/ਮਹਿਤਾ ਅਮਨ) ਸ਼੍ਰੀ ਸ਼ਿਆਮ ਖਾਟੂ ਵਾਲੇ ਜੀ ਦੇ ਜਨਮਦਿਵਸ ਮੌਕੇ ਸਥਾਨਕ ਸ਼ਿਆਮ ਪ੍ਰੇਮੀਆਂ ਵੱਲੋਂ ਵਿਸ਼ਾਲ ਨਿਸ਼ਾਨ ਯਾਤਰਾ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿੱਚ ਸੈਂਕੜੇ ਔਰਤਾਂ ਅਤੇ ਮਹਿਲਾਵਾਂ ਨੇ ਝੰਡਾ ਚੁੱਕ ਸ਼ਿਆਮ ਪ੍ਰੇਮੀਆਂ ਨੇ ਭਾਗ ਲਿਆ। ਡਾਂਡੀਆਂ ਗWੱਪ ਨੇ ਸ਼ੋਭਾ ਯਾਤਰਾ ਚ ਰੌਣਕਾਂ ਲਗਾ ਦਿੱਤੀਆਂ। ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਸ਼੍ਰੀ ਸ਼ਿਆਮ ਸੇਵਾ ਮੰਡਲ ਦੇ ਰਾਕੇਸ਼ ਸਿੰਗਲਾ ਅਤੇ ਹਰੀ ਚੰਦ ਸਿੰਗਲਾ ਨੇ ਦੱਸਿਆ ਕਿ ਸ਼੍ਰੀ ਸ਼ਿਆਮ ਬਾਬਾ ਦਾ ਜਨਮਦਿਵਸ ਧੂਮਧਾਮ ਨਾਲ ਮਨਾਇਆ ਜਾ ਰਿਹਾ ਹੈ। 12 ਨਵੰਬਰ ਨੂੰ ਰਾਮ ਲੀਲਾ ਗਰਾਊਡ ਦੇ ਸ਼੍ਰੀ ਦੁਰਗਾ ਮੰਦਰ ਚ ਸੰਕੀਰਤਨ ਕੀਤਾ ਜਾ ਰਿਹਾ ਹੈ ਜਿਸ ਵਿੱਚ ਕ੍ਰਿਸ਼ਨ ਸਿੰਗਲਾ ਸੰਕੀਰਤਨ ਚ ਸ਼ਿਆਮ ਨਾਮ ਦਾ ਰੰਗ ਬਰਸਾਉਣਗੇ। ਉਨ੍ਹਾ ਕਿਹਾ ਕਿ ਜਨਮ ਉਤਸਵ ਦੇ ਮੌਕੇ ਤੇ ਸ਼ਿਆਮ ਪ੍ਰੇਮੀਆਂ ਚ ਕਾਫੀ ਉਤਸ਼ਾਹ ਵੇਖਣ ਨੂੰ ਮਿਲ ਰਿਹਾ ਹੈ। ਇਸ ਮੌਕੇ ਹਰੀ ਚੰਦ ਸਿੰਗਲਾ, ਗੋਰਾ ਲਾਲ, ਗਿਆਨ ਲੋਟੀਆਂ, ਓਮ ਪ੍ਰਕਾਸ਼ ਸਿੰਗਲਾ, ਚੰਦਨ ਕੁਮਾਰ, ਰਾਜੇਸ਼ ਕੁਮਾਰ, ਰਾਜੇਸ਼ ਸਿੰਗਲਾ, ਮਾਂਗੇ ਰਾਮ ਸਿੰਗਲਾ, ਸ਼ਿਆਮ ਸੁੰਦਰ, ਰਾਹੁਲ ਬਿੰਦਲ, ਦੀਪਕ ਕੁਮਾਰ, ਅਮਨ ਸਿੰਗਲਾ, ਪਿਊਸ਼ ਸਿੰਗਲਾ, ਅਭਿਸ਼ੇਕ ਕੁਮਾਰ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ਚ ਮਹਿਲਾਵਾਂ ਹਾਜਰ ਸਨ।
