ਨਵੀਂ ਦਿੱਲੀ 30, ਜਨਵਰੀ (ਸਾਰਾ ਯਹਾ /ਬਿਓਰੋ ਰਿਪੋਰਟ): ਸਿੰਘੂ ਬਾਰਡਰ (Singhu Border) ‘ਤੇ ਸ਼ੁਕਰਵਾਰ ਨੂੰ ਪੱਥਰਬਾਜ਼ੀ (Stone Pelting) ਕੀਤੀ ਗਈ।ਇਹ ਪੱਥਰਬਾਜ਼ੀ ਉਸ ਵੇਲੇ ਹੋਈ ਜਦੋਂ ਕੁੱਝ ਲੋਕ ਆਪਣੇ ਆਪ ਨੂੰ ਸਥਾਨਕ ਹੋਣ ਦਾ ਦਾਅਵਾ ਕਰਦੇ ਹੋਏ ਧਰਨੇ ਵਾਲੀ ਥਾਂ ਤੇ ਆ ਗਏ। ਵੱਡੀ ਭੀੜ ਨੇ ਪੁਲਿਸ ਬੈਰੀਕੇਡਾਂ (Police Barricade) ਨੂੰ ਪਾਰ ਕੀਤਾ ਅਤੇ ਵਿਰੋਧ ਕਰ ਰਹੇ ਕਿਸਾਨਾਂ’ ਤੇ ਪੱਥਰਬਾਜ਼ੀ (Attack on Farmers) ਕੀਤੀ। ਉਨ੍ਹਾਂ ਕਿਸਾਨਾਂ ਦੇ ਟੈਂਟ ਵੀ ਪੁੱਟ ਸੁੱਟੇ ਅਤੇ ਕਿਸਾਨਾਂ ਤੇ ਲਾਠੀਆਂ ਵੀ ਚਲਾਈਆਂ।ਗੁੰਡਾਗਰਦੀ ਕਰਦੇ ਇਹ ਲੋਕ ਦਾਅਵਾ ਕਰ ਰਹੇ ਸੀ ਕਿ ਉਹ ਸਾਥਨਕ ਲੋਕ ਹਨ ਅਤੇ ਕਿਸਾਨਾਂ ਦੇ ਅੰਦੋਲਨ ਤੋਂ ਪਰੇਸ਼ਾਨ ਹਨ।ਉਹ ਕਹਿ ਰਹੇ ਸੀ ਕਿ ਕਿਸਾਨਾਂ ਨੇ ਗਣਤੰਤਰ ਦਿਵਸ ਮੌਕੇ ਰਾਸ਼ਟਰੀ ਝੰਡੇ ਦਾ ਅਪਮਾਨ ਕੀਤਾ ਹੈ ਜਿਸ ਨੂੰ ਉਹ ਲੋਕ ਬਰਦਾਸ਼ਤ ਨਹੀਂ ਕਰਨਗੇ।
ਤਮਾਮ ਮੀਡੀਆ ਚੈਨਲਾਂ ਨੇ ਵੀ ਇਹਨਾਂ ਲੋਕਾਂ ਦੇ ਸਥਾਨਕ ਹੋਣ ਦਾ ਦਾਅਵਾ ਕੀਤਾ ਸੀ। ਪਰ ‘Alt News‘ ਨੇ ਇੱਕ ਵੱਡਾ ਖੁਲਾਸਾ ਕੀਤਾ ਹੈ।ਉਨ੍ਹਾਂ ਨੇ ਭੀੜ ਵਿੱਚ ਸ਼ਾਮਲ ਬੀਜੇਪੀ ਦੇ ਲੋਕਾਂ ਦਾ ਪਰਦਾਫਾਸ਼ ਕਰ ਦਿੱਤਾ ਹੈ। ‘Alt News’ਜੋ ਆਪਣੇ ਫੈਕਟ ਚੈੱਕ ਲਈ ਬੇਹੱਦ ਮਸ਼ਹੂਰ ਹੈ ਨੇ ਇਸ ਗੱਲ ਦੀ ਬਰੀਕੀ ਨਾਲ ਪੜਤਾਲ ਕੀਤੀ ਹੈ ਕਿ ਆਖਰ ਸਾਥਨਕ ਹੋਣ ਦਾ ਦਾਅਵਾ ਕਰਨ ਵਾਲੇ ਲੋਕ ਕੌਣ ਸੀ।
ਭੀੜ ਵਿੱਚ ਸ਼ਾਮਲ ਇੱਕ ਵਿਅਕਤੀ ਦੀ ਪਛਾਣ ‘ਅਮਨ ਦਬਾਸ’ (Aman Dabas)ਵਜੋਂ ਹੋਈ ਹੈ। ਉਸਦਾ ਵਿਆਹ ਬੀਜੇਪੀ ਲੀਡਰ ਅਤੇ ਵਾਰਡ ਨੰ. 31 ਕੌਂਨਸਲਰ ਅੰਜੂ ਕੁਮਾਰੀ ਨਾਲ ਹੋਇਆ ਹੈ।ਇਹ ਲੋਕ ਬੀਜੇਪੀ ਦੇ ਕਈ ਸਮਾਗਮਾਂ ਵਿੱਚ ਵੇਖੇ ਜਾ ਚੁੱਕੇ ਹਨ ਅਤੇ ਇੱਕ ਤਸਵੀਰ ਵਿੱਚ ਅਮਨ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਵੀ ਵੇਖਿਆ ਜਾ ਸਕਦਾ ਹੈ।ਜਾਣਕਾਰੀ ਮੁਤਾਬਿਕ ਇਹ ਲੋਕ 15 ਕਿਲੋਮੀਟਰ ਦੂਰ ਦੇ ਵਾਸੀ ਹਨ।ਵੱਡਾ ਸਵਾਲ ਇਹ ਹੈ ਕਿ 15 ਕਿਲੋਮੀਟਰ ਦੂਰ ਵਾਲਿਆਂ ਲਈ ਅੰਦੋਲਨ ਕਿਵੇਂ ਮੁਸੀਬਤ ਹੋ ਸਕਦਾ ਹੈ।
ਇੱਕ ਹੋਰ ਵਿਅਕਤੀ ਦੀ ਪਛਾਣ ਕ੍ਰਿਸ਼ਨ ਦਾਬਾਸ ਵਜੋਂ ਹੋਈ ਹੈ।ਇਹ ਵਿਅਕਤੀ ਬੀਜੇਪੀ ਲੀਡਰ ਰਵਿੰਦਰ ਕੁਮਾਰ
ਅਤੇ ਸਨਦੀਪ ਸੇਹਰਾਵੱਤ ਦਾ ਕਾਫੀ ਕਰੀਬੀ ਮਨਿਆ ਜਾਂਦਾ ਹੈ।