ਬੁਢਲਾਡਾ 4 ਜੁਲਾਈ (ਸਾਰਾ ਯਹਾ/ਅਮਨ ਮਹਿਤਾ, ਅਮਿੱਤ ਜਿੰਦਲ) ਸਥਾਨਕ ਸ਼ਹਿਰ ਅੰਦਰ ਵਾਰਡ ਨੰਬਰ 8 ਨਾਲ ਸੰਬੰਧਤ ਪੰਜਾਬ ਪੁਲਿਸ ਦਾ ਵਾਇਰਲਸ ਉਪਰੇਟਰ ਜੋ ਪਿਛਲੇ ਦਿਨੀ ਆਪਣੇ ਰਿਸ਼ਤੇਦਾਰ ਸਮੇਤ ਪੁਲਿਸ ਵਿਭਾਗ ਦੇ ਲਾਗਰੀ ਨਾਲ ਚੰਡੀਗ੍ਹੜ ਕਾਰ ਰਾਹੀਂ ਇੱਥੇ ਪਹੰੁਚਇਆ ਸੀ। ਲਾਗਰੀ ਅਤੇ ਵਾਇਰਲਸ ਉਪਰੇਟਰ ਦਾ ਕਰੋਨਾ ਟੈਸਟ ਪਾਜਟਿਵ ਆਉਣ ਨਾਲ ਇਲਾਕੇ ਵਿੱਚ ਹੜਕਪ ਮੱਚ ਗਈ ਹੈ। ਵਾਰਡ ਨੰਬਰ 8 ਦੇ ਸਰਕਾਰੀ ਹਸਪਤਾਲ ਦੇ ਪਿਛਲੇ ਪਾਸੇ ਵਾਇਰਲਸ ਉਪਰੇਟਰ ਦੀ ਮਾਤਾ ਸਮੇਤ ਆਸਪਾਸ 45 ਲੋਕਾਂ ਦੇ ਕਰੋਨਾ ਟੈਸਟ ਕਰਾਉਣ ਲਈ ਸਿਹਤ ਵਿਭਾਗ ਨੇ ਸੂਚੀ ਤਿਆਰ ਕੀਤੀ ਹੈ। ਵਿਭਾਗ ਦੇ ਅਧਿਕਾਰੀ ਭੁਪਿੰਦਰ ਸਿੰਘ ਨੇ ਦੱਸਿਆ ਕਿ ਵਾਇਰਲਸ ਉਪਰੇਟਰ ਦੀ ਮਾਤਾ ਸਮੇਤ ਮੁਹੱਲੇ ਦੇ 37 ਲੋਕਾਂ ਦੇ ਕਰੋਨਾ ਸੈਂਪਲ ਲੈ ਲਏ ਹਨ। ੳਹਨਾਂ ਦੱਸਿਆ ਕਿ ਲਾਗਰੀ ਜੋ ਭੀਖੀ ਦਾ ਰਹਿਣ ਵਾਲਾ ਹੈ। ਉਹ ਪਹਿਲਾਂ ਹੀ ਇਕਾਂਤਵਾਸ ਵਿੱਚ ਹੈ ਅਤੇ ਵਾਇਰਲਸ ਉਪਰੇਟਰ ਨੂੰ ਵੀ ਇਕਾਂਤਵਾਸ ਕਰ ਦਿੱਤਾ ਹੈ।ਕੀ ਹੈ ਟਰੈਵਲ ਹਿਸਟਰੀ:- ਕਰੋਨਾ ਟੈਸਟ ਆਉਣ ਵਾਲਾ ਪੁਲਿਸ ਮੁਲਾਜਮ ਆਪਣੇ ਰਿਸ਼ਤੇਦਾਰ ਨਾਲ ਲਾਗਰੀ ਸਮੇਤ ਕਾਰ ਰਾਹੀ ਚੰਡੀਗ੍ਹੜ ਤੋਂ ਆਇਆ ਸੀ।
