ਬੁਢਲਾਡਾ 4,ਦਸੰਬਰ (ਸਾਰਾ ਯਹਾ /ਅਮਨ ਮਹਿਤਾ): ਬਠਿੰਡਾ ਰੈਡੋਨਰਜ਼ ਸਾਇਕਲ ਕਲੱਬ ਵੱਲੋਂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 551 ਵੇਂ ਪ੍ਰਕਾਸ਼ ਦਿਵਸ ਦੇ ਮੋਕੇ ਤੇ 300 ਕਿੱਲੋਮੀਟਰ ਦੀ ਸਾਇਕਲ ਰੇਸ ਕਰਵਾਈ ਗਈ। ਇਸ ਰੇਸ ਵਿੱਚ ਸਥਾਨਕ ਸ਼ਹਿਰ ਦੇ ਸਾਇਕਲ ਗਰੁੱਪ ਦੇ ਗੁਰਿੰਦਰ ਸਰਾਂ ਨੇ ਹਿੱਸਾ ਲਿਆ। ਬੁਢਲਾਡਾ ਸਾਇਕਲ ਗਰੁੱਪ ਦੇ ਸੀਨੀਅਰ ਮੈਂਬਰ ਡਾ ਕਪਲਾਸ਼ ਅਤੇ ਐਡਵੋਕੇਟ ਰਮਨ ਗਰਗ ਨੇ ਇਹ ਰੇਸ ਬਠਿੰਡਾ ਦੇ ਟੀ ਬੀ ਐਸ ਬਾਇਕ ਸਟੋਰ ਤੋਂ ਸ਼ੁਰੂ ਹੋ ਕੇ ਗੁਰਦੁਆਰਾ ਬੇਰ ਸਾਹਿਬ ਸੁਲਤਾਨਪੁਰ ਲੋਧੀ ਵਿਖੇ ਪਹੁੰਚ ਕੇ ਵਾਪਿਸ ਬਠਿੰਡਾ ਵਿਖੇ ਹੀ ਸਮਾਪਤ ਹੋਈ। ਇਹ ਰੇਸ ਵਿੱਚ 31 ਸਾਇਕਲਲਿਸਟਾ ਨੇ ਹਿੱਸਾ ਲਿਆ। ਜਿਸ ਵਿੱਚ ਗੁਰਿੰਦਰ ਸਰਾਂ ਪਿੰਡ ਤਾਲਬਵਾਲਾ ਨੇ ਇਹ ਰੇਸ 11 ਘੰਟੇ 15 ਮਿੰਟ ਵਿੱਚ ਪੂਰੀ ਕੀਤੀ। ਇਸ ਮੋਕੇ ਚੇਅਰਮੈਨ ਸੰਜੀਵ ਸਿੰਗਲਾ ਨੇ ਕਿਹਾ ਕਿ ਗੁਰਿੰਦਰ ਸਰਾਂ ਸਾਡੇ ਸਾਇਕਲ ਗਰੁੱਪ ਦੀ ਸ਼ਾਨ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਨ੍ਹਾਂ ਵੱਲੋਂ ਪਹਿਲਾ ਵੀ ਕਾਫੀ ਰੇਸਾਂ ਵਿੱਚ ਭਾਗ ਲੈ ਚੁੱਕੇ ਹਨ ਜਿਸ ਵਿੱਚੋਂ 1000 ਕਿਲੋਮੀਟਰ, 400 ਕਿਲੋਮੀਟਰ, 300 ਕਿਲੋਮੀਟਰ ਆਦਿ ਹਨ। ਇਸ ਮੌਕੇ ਮੁਰਲੀ ਮਨੋਹਰ, ਅਜੈ ਕੁਮਾਰ ਬੋਬੀ, ਡਾ ਮਹਿੰਦਰ, ਚਮਨਦੀਪ, ਹਿੰਮਾਸ਼ੂ, ਕੁਨਾਲ ਜਲਾਨ, ਜੀਨਤ, ਦੀਪਕ, ਕਮਲਜੀਤ ਸਿੰਘ, ਅਮਿਤ ਕੁਮਾਰ, ਯਸ਼ਪਾਲ, ਅਵਤਾਰ ਸੈਣੀ, ਨੇਹਾ, ਪਾਰੁਲ, ਪ੍ਰਮੋਦ ਆਦਿ ਹਾਜ਼ਰ ਸਨ।
