ਚੰਡੀਗੜ੍ਹ, 21 ਜੂਨ (ਸਾਰਾ ਯਹਾ/ਬਿਓਰੋ ਰਿਪੋਰਟ) : ਪੰਜਾਬ ‘ਚ ਕੋਰੋਨਾ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਤੇਜ਼ੀ ਨਾਲ ਵਧ ਰਹੀ ਹੈ। ਪਿਛਲੇ 10 ਦਿਨਾਂ ‘ਚ 40 ਵਿਅਕਤੀਆਂ ਦੀਆਂ ਜਾਨਾਂ ਗਈਆਂ ਹਨ। ਸੂਬੇ ‘ਚ ਤਿੰਨ ਹੋਰ ਲੋਕਾਂ ਦੀ ਮੌਤ ਹੋ ਗਈ ਹੈ। ਪੰਜਾਬ ‘ਚ ਔਸਤ ਚਾਰ ਲੋਕ 10 ਦਿਨਾਂ ਤੋਂ ਹਰ ਦਿਨ ਮਰ ਰਹੇ ਹਨ।
ਸ਼ਨੀਵਾਰ ਸੰਗਰੂਰ, ਅੰਮ੍ਰਿਤਸਰ ਤੇ ਲੁਧਿਆਣਾ ਵਿੱਚ ਇੱਕ-ਇੱਕ ਹੋਰ ਵਿਅਕਤੀ ਦੀ ਮੌਤ ਹੋ ਗਈ। ਸੂਬੇ ਵਿੱਚ ਹੁਣ ਤੱਕ 98 ਮਰੀਜ਼ਾਂ ਦੀ ਮੌਤ ਕੋਰੋਨਾ ਨਾਲ ਹੋਈ ਹੈ।
ਅੰਮ੍ਰਿਤਸਰ ‘ਚ 31ਵੇਂ ਵਿਅਕਤੀ ਦੀ ਮੌਤ ਹੋਈ ਹੈ। 98 ਸਾਲਾ ਬਜੁਰਗ ਦੀ ਗੁਰੂ ਨਾਨਕ ਦੇਵ ਹਸਪਤਾਲ ‘ਚ ਮੌਤ ਹੋ ਗਈ। ਮਰੀਜ਼ ਨੂੰ 8 ਜੂਨ ਨੂੰ ਗੁਰੂ ਨਾਨਕ ਦੇਵ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਬਜ਼ੁਰਗ ਨੂੰ ਸ਼ੂਗਰ ਤੇ ਸਾਹ ਲੈਣ ਵਿੱਚ ਮੁਸ਼ਕਲ ਆਈ। ਲੁਧਿਆਣਾ ਵਿੱਚ ਵੀ ਇੱਕ 70 ਸਾਲਾ ਔਰਤ ਦੀ ਮੌਤ ਹੋ ਗਈ। ਹੁਣ ਤੱਕ ਇੱਥੇ 14 ਲੋਕ ਆਪਣੀ ਜਾਨ ਗਵਾ ਚੁੱਕੇ ਹਨ।
ਸੂਬੇ ‘ਚ 119 ਨਵੇਂ ਸਕਾਰਾਤਮਕ ਮਾਮਲੇ ਸਾਹਮਣੇ ਆਏ ਹਨ। ਇਨ੍ਹਾਂ ਵਿੱਚੋਂ ਸਭ ਤੋਂ ਵੱਧ 29 ਕੇਸ ਲੁਧਿਆਣਾ, ਜਲੰਧਰ ਵਿੱਚ 23, ਅੰਮ੍ਰਿਤਸਰ ਵਿੱਚ 19, ਪਠਾਨਕੋਟ ਵਿੱਚ 16, ਕਪੂਰਥਲਾ ਵਿੱਚ 11, ਮੁਹਾਲੀ ਵਿੱਚ 10, ਰੂਪਨਗਰ ਵਿੱਚ ਪੰਜ, ਸੰਗਰੂਰ ਵਿੱਚ ਤਿੰਨ, ਤਰਨ ਤਾਰਨ ਵਿੱਚ ਦੋ ਤੇ ਫਿਰੋਜ਼ਪੁਰ ਵਿੱਚ ਇੱਕ ਕੇਸ ਰਿਪੋਰਟ ਹੋਏ ਹਨ।
ਪੰਜਾਬ ਵਿੱਚ ਸੰਕਰਮਿਤਾਂ ਦੀ ਕੁੱਲ ਸੰਖਿਆ 4046 ਤੱਕ ਪਹੁੰਚ ਗਈ ਹੈ। ਹਾਲਾਂਕਿ, ਸਿਰਫ 1270 ਐਕਟਿਵ ਕੇਸ ਹਨ। ਦਸ ਦਿਨਾਂ ਵਿੱਚ ਹਰ ਦਿਨ ਔਸਤ 110 ਨਵੇਂ ਕੇਸ ਆ ਰਹੇ ਹਨ। ਦਸ ਦਿਨਾਂ ‘ਚ 1130 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਸੂਬੇ ਵਿੱਚ ਸੱਤ ਪੁਲਿਸ ਮੁਲਾਜ਼ਮ ਸੰਕਰਮਿਤ ਪਾਏ ਗਏ ਹਨ, ਜਿਨ੍ਹਾਂ ‘ਚ ਕਪੂਰਥਲਾ ‘ਚ ਐਸਐਚਓ 42 ਹੋਰ ਮਰੀਜ਼ ਠੀਕ ਹੋ ਗਏ ਹਨ।
ਕੋਰੋਨਾ ਮੀਟਰ
ਨਵੇਂ ਸੰਕਰਮਿਤ: 119
ਨਵੀਆਂ ਮੌਤਾਂ: 3
ਕੁੱਲ ਸੰਕਰਮਿਤ: 4046
ਠੀਕ ਹੋਏ: 2678
ਐਕਟਿਵ ਕੇਸ: 1270
ਕੁੱਲ ਮੌਤਾਂ: 98
ਕੁੱਲ ਸੈਂਪਲ: 2,35,700
