ਜੋਗਾ, 24 ਅਗਸਤ (ਸਾਰਾ ਯਹਾਂ/ਗੋਪਾਲ ਅਕਲੀਆ )-ਪਿੰਡ ਅਕਲੀਆ ਵਿਖੇ ਉਮੀਦ ਸੇਵਾ ਸੋਸਾਇਟੀ ਅਕਲੀਆ ਵਲੋਂ ਗ੍ਰਾਮ ਪੰਚਾਇਤ ਤੇ ਪਿੰਡ ਵਾਸੀਆ ਦੇ ਸਹਿਯੋਗ ਨਾਲ ਪਾਰਕ ਵਿੱਚ `ਮੇਲਾ ਨੂੰਹਾਂ-ਧੀਆਂ` ਦਾ ਕਰਵਾਇਆ ਗਿਆ। ਮੇਲੇ `ਚ ਥਾਣਾ ਮੁਖੀ ਜੋਗਾ ਅਜੈ ਪਰੋਚਾ ਤੇ ਸਰਪੰਚ ਸੁਖਵੀਰ ਕੌਰ ਨੇ ਮਹਿਮਾਨ ਵਜੋਂ ਸਿ਼ਰਕਤ ਕੀਤੀ।ਇਸ ਮੇਲੇ ਦੌਰਾਨ ਗਾਇਕਾ ਰੁਪਿੰਦਰ ਰਿੰਪੀ ਨੇ ਬੋਲੀਆ ਤੇ ਗੀਤਾ ਰਾਹੀ ਦਰਸ਼ਕਾ ਦਾ ਮੰਨੋਰੰਜਣ ਕੀਤਾ ਤੇ ਪਾਈਆ ਬੋਲੀਆ ਰਾਹੀ ਪਿੰਡ ਦੀਆਂ ਨੂੰਹਾਂ-ਧੀਆਂ ਨੂੰ ਖੂਬ ਨਚਾਇਆ ਅਤੇ ਸ਼ਾਮ ਤੱਕ ਗਾਇਕਾ ਰੁਪਿੰਦਰ ਰਿੰਪੀ ਨੇ ਮੇਲੇ `ਚ ਰੰਗ ਬੰਨ੍ਹੀ ਰੱਖਿਆ। ਮੇਲੇ `ਚ ਪਿੰਡ ਦੀਆ ਨੂੰਹਾਂ-ਧੀਆਂ ਨੇ ਖੂਬ ਆਨੰਦ ਮਾਣਿਆ ਅਤੇ ਕਰਵਾਏ ਮੇਲੇ ਲਈ ਪ੍ਰਬੰਧਕ ਕਮੇਟੀ ਨੂੰ ਵਧਾਈ ਦਿੱਤੀ। ਇਸ ਸਮੇਂ ਆਰਟਿਸਟ ਪਾਲੀ ਤੇ ਗੁਰੀ ਅਤੇ ਮਸ਼ਹੂਰ ਕਮੇਡੀਅਨ ਰਾਜੂ ਮਾਨਸਾ ਨੇ ਵੀ ਹਾਜ਼ਰੀ ਲਗਵਾਈ। ਸਰਪੰਚ ਸੁਖਵੀਰ ਕੌਰ ਨੇ ਕਮੇਟੀ ਕਰਵਾਏ ਮੇਲੇ ਲਈ ਵਧਾਈ ਦਿੱਤੀ ਅਤੇ ਸਹਿਯੋਗੀ ਤੇ ਪਹੁੰਚੇ ਪਤਵੰਤਿਆ ਨੂੰ ਸਨਮਾਨਿਤ ਕੀਤਾ। ਸੋਸਾਇਟੀ ਦੇ ਪ੍ਰਧਾਨ ਡਾ. ਗੁਰਦੀਪ ਸਿੰਘ ਤੇ ਪੰਚ ਕੇਵਲ ਸਿੰਘ ਨੇ ਪਹੁੰਚੇ ਮਹਿਮਾਨਾਂ ਤੇ ਮੇਲੇ ਨੂੰ ਸਫ਼ਲ ਬਣਾਉਣ ਲਈ ਪਿੰਡ ਦੀਆ ਨੂੰਹਾਂ-ਧੀਆਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸੋਸਾਇਟੀ ਦੇ ਚੇਅਰਮੈਨ ਗੋਪਾਲ ਅਕਲੀਆ, ਪੰਚ ਜੀਤਾ ਸਿੰਘ, ਪ੍ਰਧਾਨ ਮਲਕੀਤ ਸਿੰਘ ਸਿੱਧੂ, ਹਰਜਿੰਦਰ ਸਿੰਘ ਸਿੱਧੂ, ਕਲੱਬ ਪ੍ਰਧਾਨ ਅੰਮ੍ਰਿਤਪਾਲ ਸਿੰਘ ਅੰਬੀ, ਮਾਨ ਮਹਿਤਾ, ਧੀਰਾ ਸਿੰਘ, ਸੰਦੀਪ ਸਿੰਘ, ਜੱਸੀ ਸਿੰਘ ਆਦਿ ਹਾਜ਼ਰ ਸਨ।
ਤਸਵੀਰ-ਮੇਲੇ `ਚ ਬੋਲੀਆ ਪੇਸ਼ ਕਰਦੀ ਗਾਇਕਾ ਰੁਪਿੰਦਰ ਰਿੰਪੀ ਤੇ ਮੰਚ ਤੇ ਹਾਜ਼ਰ ਸਰਪੰਚ ਸੁਖਵੀਰ ਕੌਰ ਤੇ ਪਤਵੰਤੇ।
