ਮਾਨਸਾ 20 ਅਪ੍ਰੈਲ (ਸਾਰਾ ਯਹਾਂ/ਜੋਨੀ ਜਿੰਦਲ) : ਸਥਾਨਕ ਭਗਵਾਨ ਸ਼੍ਰੀ ਪਰਸ਼ੂਰਾਮ ਮੰਦਰ ਵਨ-ਵੇ ਟ੍ਰੈਫ਼ਿਕ ਰੋਡ ਮਾਨਸਾ ਵਿਖੇ ਚੇਤਰ ਨਵਰਾਤਰਿਆਂ ਦੌਰਾਨ ਚਲ ਰਹੀ ਪੂਜਾ ਦੇ ਅੱਜ ਅਸ਼ਟਮ ਨਵਰਾਤਰੇ ਮਾਂ ਦੁਰਗਾ ਜੀ ਦੇ ਸ਼੍ਰੀ ਮਹਾਂਗੌਰੀ ਜੀ ਸਰੂਪ ਦੀ ਪੂਜਾ ਸ਼੍ਰੀ ਸਨਾਤਨ ਧਰਮ ਪ੍ਰਚਾਰ ਸੰਮਤੀ ਮਾਨਸਾ ਦੇ ਪ੍ਰਧਾਨ ਅਤੇ ਪ੍ਰੋਪਰਟੀ ਡੀਲਰ ਐਸ਼ੋਸੀਏਸ਼ਨ ਮਾਨਸਾ ਦੇ ਜਨਰਲ ਸਕੱਤਰ ਸ਼੍ਰੀ ਇੰਦਰਸੈਨ ਅਕਲੀਆਂ ਨੇ ਪਰਿਵਾਰ ਸਮੇਤ ਕੀਤੀ।
ਇਸ ਬਾਰੇ ਵਧੇਰੇ ਜਾਣਕਾਰੀ ਦਿੰਦਿਆਂ ਮੰਡਲ ਦੀ ਕਾਰਜਕਾਰਨੀ ਦੇ ਮੈਂਬਰ ਬੰਟੀ ਰਾਜਪੂਤ ਨੇ ਦੱਸਿਆ ਕਿ ਮੰਦਰ ਦੇ ਪੁਜਾਰੀ ਲਕਸ਼ਮੀ ਨਰਾਇਣ ਸ਼ਰਮਾ ਨੇ ਵਿਧੀਵਤ ਢੰਗ ਨਾਲ ਨਵ ਗ੍ਰਹਿ ਪੂਜਨ, ਅਖੰਡ ਜੋਤੀ ਪੂਜਨ ਸ਼ਰਧਾ ਪੂਰਵਕ ਸ਼੍ਰੀ ਇੰਦਰਸੈਨ ਅਕਲੀਆਂ ਤੋਂ ਕਰਵਾਇਆ।
ਉਨ੍ਹਾਂ ਅੱਗੇ ਦੱਸਿਆ ਕਿ ਸ਼੍ਰੀ ਰਾਮ ਨੌਮੀ ਵਾਲੇ ਦਿਨ ਵਿਸ਼ਾਲ ਕੰਜਕ ਪੂਜਨ ਕੀਤਾ ਜਾਵੇਗਾ।
ਇਸ ਮੌਕੇ ਮੰਡਲ ਦੇ ਅਹੁਦੇਦਾਰਾਂ ਵੱਲੋਂ ਅਕਲੀਆ ਜੀ ਨੂੰ ਸਨਮਾਨਿਤ ਵੀ ਕੀਤਾ ਗਿਆ।
