ਨਵੀਂ ਦਿੱਲੀ 25, ਮਈ(ਸਾਰਾ ਯਹਾਂ/ਬਿਊਰੋ ਰਿਪੋਰਟ): ਖੇਤੀਬਾੜੀ ਕਾਨੂੰਨਾਂ (farm Laws) ਖਿਲਾਫ ਅੰਦੋਲਨ ਕਰ ਰਹੇ ਕਿਸਾਨਾਂ ਨੇ ਭਲਕੇ ਦੇਸ਼ ਵਿਆਪੀ ਵਿਰੋਧ ਪ੍ਰਦਰਸ਼ਨ ਦਾ ਐਲਾਨ ਕੀਤਾ ਹੈ। ਕਾਂਗਰਸ ਸਮੇਤ 12 ਵਿਰੋਧੀ ਪਾਰਟੀਆਂ ਨੇ ਕਿਸਾਨਾਂ ਦੇ ਇਸ ਪ੍ਰਦਰਸ਼ਨ (farmers Protest) ਨੂੰ ਲਿਖਤੀ ਰੂਪ ਵਿੱਚ ਆਪਣਾ ਸਮਰਥਨ ਜ਼ਾਹਰ ਕੀਤਾ ਹੈ। ਕੋਰੋਨਾ ਯੁੱਗ ਵਿੱਚ ਕਿਸਾਨ ਜੱਥੇਬੰਦੀਆਂ 26 ਮਈ ਨੂੰ ਕਾਲੇ ਦਿਨ ਮਨਾਉਣ ਜਾ ਰਹੀਆਂ ਹਨ। ਭਾਰਤੀ ਕਿਸਾਨ ਯੂਨੀਅਨ (BKU) ਦੇ ਬੁਲਾਰੇ ਅਤੇ ਆਗੂ ਰਾਕੇਸ਼ ਟਿਕੈਤ (Rakesh Tikait) ਨੇ ਕਿਹਾ ਕਿ ਇਸ ਕਾਲੇ ਦਿਨ ਦੌਰਾਨ ਜ਼ਿਆਦਾ ਇਕੱਠ ਨਹੀਂ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਜ਼ਿਆਦਾ ਲੋਕ ਨਹੀਂ ਆਉਣਗੇ। ਕਈ ਲੋਕਾਂ ਦੇ ਬਾਰਡਰ ਦੇ ਨੇੜੇ ਘਰ ਹਨ, ਉਹ ਉੱਥੇ ਆਉਣਗੇ
ਕਾਲਾ ਦਿਨ ਕਿਵੇਂ ਮਨਾਇਆ ਜਾਵੇਗਾ?
ਰਾਕੇਸ਼ ਟਿਕੈਤ ਨੇ ਕਿਹਾ ਕਿ ਭਲਕੇ ਲੋਕ ਆਪਣੇ ਪਿੰਡਾਂ ਵਿਚ, ਟਰੈਕਰਾਂ ‘ਤੇ, ਵਾਹਨਾਂ ‘ਤੇ, ਮੋਟਰਸਾਈਕਲਾਂ ‘ਤੇ ਕਾਲੇ ਝੰਡੇ ਲਗਾਉਣਗੇ। ਲੋਕ ਹੱਥਾਂ ਵਿਚ ਕਾਲੇ ਝੰਡੇ ਲੈ ਕੇ ਵਿਰੋਧ ਦਰਜ ਕਰਾਉਣਗੇ। ਉਨ੍ਹਾਂ ਕਿਹਾ ਕਿ ਜਿਹੜੇ ਸਰਹੱਦ ‘ਤੇ ਹੋਣਗੇ, ਉਹ ਇੱਥੇ ਕਾਲਾ ਝੰਡਾ ਲਹਿਰਾਉਣਗੇ। ਇਹ ਕਾਲਾ ਦਿਨ ਹੈ ਅਤੇ ਅਸੀਂ ਸਰਕਾਰ ਦਾ ਵਿਰੋਧ ਕਰਾਂਗੇ।
ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਸਾਨੂੰ 6 ਮਹੀਨੇ ਬੈਠਾ ਕੇ ਰੱਖਿਆ। ਸਰਕਾਰ ਨੇ ਸਾਡੀ ਨਹੀਂ ਸੁਣੀ। ਅਸੀਂ ਭਾਰਤ ਸਰਕਾਰ ਦਾ ਪੁਤਲਾ ਫੂਕਵਾਂਗੇ। ਇਹ ਪੂਰੇ ਦੇਸ਼ ਵਿੱਚ ਕੀਤਾ ਜਾਵੇਗਾ।
ਸਰਕਾਰ ਨੂੰ ਸਾਫ ਕਰਨਾ ਚਾਹੀਦਾ ਹੈ ਕਿ ਬਿਮਾਰੀ ਵੱਡੀ ਜਾਂ ਕਾਨੂੰਨ – ਟਿਕੈਤ
ਸਰਕਾਰ ਦੇ ਰੁਖ ਬਾਰੇ ਪੁੱਛੇ ਗਏ ਸਵਾਲ ‘ਤੇ ਰਾਕੇਸ਼ ਟਿਕਟ ਨੇ ਕਿਹਾ, “ਜੇਕਰ ਸਰਕਾਰ ਬੇਸ਼ਰਮ ਹੋਈ ਤਾਂ ਇਸ ਦਾ ਕੋਈ ਅਸਰ ਨਹੀਂ ਹੋਏਗਾ। ਇਹ ਸਾਡਾ ਵਿਰੋਧ ਹੈ। ਅਸੀਂ ਖੁਦ ਵਿਰੋਧ ਕਰਾਂਗੇ। ਜੇਕਰ ਸਰਕਾਰ ਨੂੰ ਬਿਮਾਰੀ ਵੱਡੀ ਲੱਗ ਰਹੀ ਹੈ। ਕੋਰੋਨਾ ਵੱਡਾ ਹੈ ਜਾਂ ਕਾਨੂੰਨ ਵੱਡਾ ਹੈ। ਸਰਕਾਰ ਨੂੰ ਸਪੱਸ਼ਟ ਕਰਨਾ ਪਵੇਗਾ ਕਿ ਕੌਣ ਵੱਡਾ ਹੈ। ਜੇਕਰ ਬਿਮਾਰੀ ਵੱਡੀ ਹੈ ਤਾਂ ਕਾਨੂੰਨ ਨੂੰ ਖ਼ਤਮ ਕਰ ਦੇਣਾ ਚਾਹੀਦਾ ਹੈ। ਕਿਸਾਨ ਆਪਣੇ ਘਰ ਚਲਾ ਜਾਵੇਗਾ।”
“ਸਰਹੱਦ ‘ਤੇ ਇੱਕ ਕਿਸਮ ਦਾ ਪਿੰਡ, ਸਮਾਜਕ ਦੂਰੀ ਨਾਲ ਰਹਿੰਦੇ ਹਨ”
ਲੱਖਾਂ ਲੋਕਾਂ ਦੇ ਇਕੱਠ ਹੋਣ ਦੇ ਸਵਾਲ ‘ਤੇ ਰਾਕੇਸ਼ ਟਿਕੈਤ ਨੇ ਕਿਹਾ, “ਬਹੁਤ ਸਾਰੇ ਲੋਕ ਬਾਰਡਰਾਂ ‘ਤੇ ਰਹਿੰਦੇ ਹਨ। ਸੱਤ ਅੱਠ ਸਥਾਨਾਂ ‘ਤੇ ਬਾਰਡਰ ਹੈ। ਇਹ ਇੱਕ ਕਾਲੋਨੀ ਹੈ। ਇੱਕ ਪਿੰਡ ਵਿੱਚ ਵੀ ਹਜ਼ਾਰਾਂ ਲੋਕ ਹਨ। ਇਹ ਵੀ ਇੱਕ ਤਰ੍ਹਾਂ ਦਾ ਪਿੰਡ ਹੈ। ਲੋਕ ਦੂਰੀ ਬਣਾ ਕੇ ਰਹਿੰਦੇ ਹਨ। ਬਾਰਡਰ ਲੰਬੇ ਹਨ। ਟਿੱਕਰੀ ਬਾਰਡਰ ਲਗਪਗ 22 ਕਿਲੋਮੀਟਰ ਲੰਬੇ ਹਨ। ਪਰ ਇਸ ਦੇ ਦੋ ਤੋਂ ਤਿੰਨ ਸਾਈਜ ਹਨ। ਪਾਰਕ ਵਿਚ ਲੋਕ ਰਹਿੰਦੇ ਹਨ। ਗਲੀਆਂ ਵਿਚ ਲੋਕ ਹਨ। ਜੇ ਤੁਸੀਂ ਇਸ ਨੂੰ ਇੱਕ ਲਾਈਨ ਵਿਚ ਕਰੋ ਤਾਂ ਫਿਰ ਇਹ 70 ਕਿਲੋਮੀਟਰ ਲੰਬਾ ਹੈ। ਬਹੁਤ ਸਾਰੇ ਲੋਕ ਰਹਿ ਰਹੇ ਹ। ਕੀ ਕਰਨਾ ਹੈ, ਇਹ ਲੋਕ ਕਿੱਥੇ ਜਾਣਗੇ।”
ਕੀ ਕੋਰੋਨਾ ਦੇ ਸੁਪਰ ਸਪ੍ਰੈਡਰ ਬਣਨ ਦੇ ਸਵਾਲ ‘ਤੇ ਕੀ ਬੋਲੇ ਟਿਕੈਤ?
ਸੁਪਰ ਸਪ੍ਰੈਡਰ ਬਣਨ ਦੇ ਸਵਾਲ ‘ਤੇ ਉਨ੍ਹਾਂ ਕਿਹਾ ਕਿ ਬਿਮਾਰੀ ਦਾ ਇਲਾਜ਼ ਹਸਪਤਾਲ ਹੈ ਅਤੇ ਕਿਸਾਨ ਅੰਦੋਲਨ ਦਾ ਇਲਾਜ ਸੰਸਦ ਹੈ। ਉਨ੍ਹਾਂ ਕਿਹਾ ਕਿ ਉਹ (ਸਰਕਾਰ) ਕਹਿਣਗੇ ਕਿ ਕੋਰੋਨਾ ਕਿਸਾਨਾਂ ਤੋਂ ਫੈਲ ਰਿਹਾ ਹੈ ਕਿਉਂਕਿ ਸਰਕਾਰ ਕੋਲ ਕਹਿਣ ਲਈ ਹੋਰ ਕੁਝ ਨਹੀਂ ਹੈ। ਬਹੁਤ ਸਾਰੇ ਮੰਤਰੀ ਮਰੇ, ਉਨ੍ਹਾਂ ਦੇ ਲੋਕ ਵੀ ਮਰ ਗਏ। ਭਾਜਪਾ ਵਾਲੇ ਵੀ ਅਤੇ ਹੋਰ ਲੋਕ ਵੀ। ਉਹ ਲੋਕ ਧਰਨੇ ‘ਤੇ ਨਹੀਂ ਆਏ। ਇਹ ਇੱਕ ਬਿਮਾਰੀ ਹੈ ਅਤੇ ਇਸ ਦਾ ਇਲਾਜ ਹਸਪਤਾਲ ਵਿਚ ਹੈ। ਉਨ੍ਹਾਂ ਕਿਹਾ ਕਿ ਸਾਨੂੰ ਹਸਪਤਾਲ ਅਤੇ ਆਕਸੀਜਨ ‘ਤੇ ਕੰਮ ਕਰਨਾ ਚਾਹੀਦਾ ਹੈ।
“ਅਸੀਂ ਸਰਕਾਰ ਨਾਲ ਗੱਲਬਾਤ ਕਰਨ ਲਈ ਤਿਆਰ ਹਾਂ”
ਚਿੱਠੀ ਦੇ ਮੁੱਦੇ ‘ਤੇ ਕਿਸਾਨਾਂ ‘ਚ ਫਾੜ ਪੈਣ ਬਾਰੇ ਪੁੱਛੇ ਗਏ ਸਵਾਲ ‘ਤੇ ਰਾਕੇਸ਼ ਟਿਕੈਤ ਨੇ ਕਿਹਾ ਕਿ ਇਸ ਨੂੰ ਲੈ ਕੇ ਸੰਯੁਕਤ ਮੋਰਚੇ ਵਿਚਾਲੇ ਵਿਚਾਰ ਵਟਾਂਦਰਾ ਹੋਇਆ ਸੀ। ਉੱਥੇ ਬਹੁਤ ਸਾਰੇ ਲੋਕਾਂ ਨੇ ਸਵਾਲ ਕੀਤਾ ਕਿ ਜਦੋਂ ਪ੍ਰਧਾਨ ਮੰਤਰੀ ਨੇ ਕਿਹਾ ਹੈ ਕਿ ਉਹ ਸਿਰਫ ਇੱਕ ਕਾਲ ਦੀ ਦੂਰੀ ‘ਤੇ ਹਨ ਤਾਂ ਉਨ੍ਹਾਂ ਨੂੰ ਫੋਨ ਕਰਨਾ ਚਾਹੀਦਾ ਹੈ। ਇਸ ਲਈ ਇਹ ਫੈਸਲਾ ਲਿਆ ਗਿਆ ਕਿ ਕੋਈ ਫੋਨ ਨਹੀਂ ਹੈ, ਉਨ੍ਹਾਂ ਨੂੰ ਇੱਕ ਪੱਤਰ ਲਿਖੀ ਜਾਵੇ। ਲੋਕ ਸਾਨੂੰ ਦੁਬਾਰਾ ਨਹੀਂ ਪੁੱਛਣਗੇ ਕਿ ਤੁਸੀਂ ਚਿੱਠੀ ਨਹੀਂ ਲਿਖੀ। ਅਤੇ ਸਪੱਸ਼ਟ ਕਰ ਦਿੱਤਾ ਕਿ ਜੇ ਸਰਕਾਰ ਗੱਲਬਾਤ ਕਰਨੀ ਚਾਹੁੰਦੀ ਹੈ ਤਾਂ ਸਰਕਾਰ ਨੂੰ ਦੱਸਣਾ ਚਾਹੀਦਾ ਹੈ। ਟਿਕੈਤ ਨੇ ਇਹ ਵੀ ਕਿਹਾ ਕਿ ਸਾਡੀ ਸ਼ਰਤ ਇਹ ਹੈ ਕਿ ਜਿੱਥੋਂ ਗੱਲਬਾਤ ਖ਼ਤਮ ਹੋਈ ਸੀ, ਉੱਥੋਂ ਗੱਲਬਾਤ ਸ਼ੁਰੂ ਹੋਵੇਗੀ।
ਰਾਕੇਸ਼ ਟਿਕੈਤ ਨੇ ਕਿਹਾ ਕਿ ਜੇਕਰ ਸਰਕਾਰ ਨੇ ਕਾਨੂੰਨ ਬਣਾਏ ਹਨ ਤਾਂ ਸਰਕਾਰ ਨੂੰ ਵੀ ਗੱਲਬਾਤ ਕਰਨੀ ਚਾਹੀਦੀ ਹੈ। ਸਾਨੂੰ ਜ਼ਿਆਦਾ ਲੋੜ ਨਹੀਂ ਕਿ ਸਰਕਾਰ ਗੱਲ ਕਰੇ। ਅਸੀਂ ਬੈਠੇ ਹਾਂ। ਭਾਵੇਂ ਜੇ ਸਾਨੂੰ 2024 ਤਕ ਇੱਥੇ ਬੈਠਣਾ ਪਏ, ਅਸੀਂ ਬੈਠਾਗੇਂ। 25 ਤਕ ਵੀ ਬੈਠਣਾ ਪਏਗਾ ਤਾਂ ਵੀ ਅਸੀਂ ਨਹੀਂ ਜਾਵਾਂਗੇ।
