ਚੰਡੀਗੜ੍ਹ 20,ਸਤੰਬਰ (ਸਾਰਾ ਯਹਾਂ/ਬਿਊਰੋ ਨਿਊਜ਼): ਪੰਜਾਬ ਦੇ ਜਲਾਲਾਬਾਦ ਵਿੱਚ ਹੋਏ ਬੰਬ ਬਲਾਸਟ ਦੇ ਮੁੱਖ ਆਰੋਪੀ ਨੂੰ ਪੰਜਾਬ ਪੁਲਿਸ ਵੱਲੋਂ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।ਇਸ ਮਾਮਲੇ ‘ਚ ਇੱਕ ਹੋਰ ਆਰੋਪੀ ਫਰਾਰ ਹੈ।ਪੁਲਿਸ ਆਰੋਪੀਆਂ ਨੂੰ ਪਨਾਹ ਦੇਣ ਵਾਲੀ ਇੱਕ ਮਹਿਲਾ ਨੂੰ ਵੀ ਹਿਰਾਸਤ ‘ਚ ਲਿਆ ਹੈ।
ਰਾਏਸਿੰਘਨਗਰ ਖੇਤਰ ਵਿੱਚ, ਸਥਾਨਕ ਪੁਲਿਸ ਵੱਲੋਂ ਐਨਜੇਡਐਮ ਵਿੱਚ ਖਤਰਨਾਕ ਅਪਰਾਧੀਆਂ ਦੇ ਲੁਕੇ ਹੋਣ ਦੀ ਸੂਚਨਾ ਉੱਤੇ ਛਾਪੇਮਾਰੀ ਕੀਤੀ।ਇਸ ਛਾਪੇਮਾਰੀ ਮਗਰੋਂ ਦੋ ਅਪਰਾਧੀ ਫਰਾਰ ਹੋ ਗਏ।
ਫਰਾਰ ਆਰੋਪੀ 15 ਸਤੰਬਰ ਨੂੰ ਜਲਾਲਾਬਾਦ ‘ਚ ਹੋਏ ਬੰਬ ਬਲਾਸਟ ‘ਚ ਮੋਸਟ ਵਾਂਟੇਡ ਹੈ।ਆਰੋਪੀ ਸੁਖਵਿੰਦਰ ਸਿੰਘ ਅਤੇ ਗੁਰਪ੍ਰੀਤ ਸਿੰਘ ਨੂੰ ਕਾਬੂ ਕਰਨ ਲਈ ਪੰਜਾਬ ਪੁਲਿਸ ਦੇ ਦੋ ਦਰਜ ਮੁਲਾਜ਼ਮਾਂ ਨੇ ਰਾਤ ਭਰ ਸਰਚ ਅਪਰੇਸ਼ਨ ਚਲਾਇਆ।
ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਆਰੋਪੀ ਸੁਖਵਿੰਦਰ ਸਿੰਘ ਦੁਪਹਿਰ ਵੇਲੇ ਕਾਲੂਵਾਲਾ ਢਾਬੇ ‘ਤੇ ਇੱਕ ਦੁਕਾਨ’ ਤੇ ਪਾਣੀ ਦੀ ਬੋਤਲ ਲੈਣ ਲਈ ਆਇਆ ਤਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਫੋਟੋ ਨੂੰ ਵੇਖ ਕੇ ਦੁਕਾਨਦਾਰ ਨੂੰ ਸ਼ੱਕ ਹੋਇਆ, ਤਾਂ ਉੱਥੇ ਮੌਜੂਦ ਪਿੰਡ ਵਾਸੀਆਂ ਨੇ ਉਸਨੂੰ ਫੜ ਲਿਆ ਅਤੇ ਪੁਲਿਸ ਨੂੰ ਸੂਚਨਾ ਦਿੱਤੀ।
ਪੁਲਿਸ ਨੇ ਮੌਕੇ ਤੇ ਪਹੁੰਚ ਕੇ ਆਰੋਪੀ ਨੂੰ ਕਾਬੂ ਕਰ ਲਿਆ ਅਤੇ ਥਾਣੇ ਲੈ ਗਈ।ਜਦਕਿ ਦੂਜਾ ਆਰੋਪੀ ਅਜੇ ਵੀ ਫਰਾਰ ਹੈ।ਪੰਜਾਬ ਪੁਲਿਸ ਦੇ ਅਨੁਸਾਰ ਆਰੋਪੀ ਦੇ ਖਿਲਾਫ ਪੰਜਾਬ ‘ਚ ਗੰਭੀਰ ਮਾਮਲੇ ਦਰਜ ਹਨ।ਪੁਲਿਸ ਅਧਿਕਾਰੀ ਅਤੇ ਸੁਰੱਖਿਆ ਏਜੰਸੀਆਂ ਮਾਮਲੇ ਦੀ ਜਾਂਚ ਵਿੱਚ ਲਗੀਆਂ ਹੋਈਆਂ ਹਨ।
