ਫਗਵਾੜਾ 27 ਜਨਵਰੀ (ਸਾਰਾ ਯਹਾਂ/ਸ਼ਿਵ ਕੌੜਾ) ਸ਼੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਗਾਇਕ ਮੱਨ ਦੁੱਗ ਦੇ ਸਿੰਗਲ ਵੀਡੀਓ ਟਰੈਕ ‘ਜੈਕਾਰੇ ਗੁਰੂ ਰਵਿਦਾਸ ਦੇ’ ਦਾ ਪੋਸਟਰ ਸ਼੍ਰੀ ਗੁਰੂ ਰਵਿਦਾਸ ਧਾਮ ਬੂਟਾ ਮੰਡੀ ਦੇ ਮੁੱਖ ਸੇਵਾਦਾਰ ਸਵਾਮੀ ਬਲਰਾਮ ਜੀ ਵਲੋਂ ਰਿਲੀਜ ਕੀਤਾ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਗਾਇਕ ਮੱਨ ਦੁੱਗ ਨੇ ਦੱਸਿਆ ਕਿ ਇਹ ਸਿੰਗਲ ਵੀਡੀਓ ਐਸ.ਕੇ. ਪ੍ਰੋਡਕਸ਼ਨ ਦੀ ਪੇਸ਼ਕਾਰੀ ਹੈ। ਜਿਸ ਦੇ ਬੋਲ ਸੱਤੀ ਖੋਖੇਵਾਲੀਆ ਨੇ ਲਿਖੇ ਹਨ ਅਤੇ ਸੰਗੀਤ ਵੋਕਲ ਸਟੂਡੀਓ ਵਲੋਂ ਤਿਆਰ ਕੀਤਾ ਗਿਆ ਹੈ। ਜਦਕਿ ਵੀਡੀਓ ਡਾਇਰੈਕਟਰ ਸੋਨੂੰ ਬੈਂਸ ਨੇ ਬਹੁਤ ਹੀ ਖੂਬਸੂਰਤੀ ਦੇ ਨਾਲ ਫਿਲਮਾਂਕਨ ਕੀਤਾ ਹੈ। ਇਸ ਵੀਡੀਓ ਟਰੈਕ ਨੂੰ ਵੱਖ-ਵੱਖ ਸੋਸ਼ਲ ਮੀਡੀਆ ਚੈਨਲਾਂ ਰਾਹੀਂ ਦੇਖਿਆ ਤੇ ਸੁਣਿਆ ਜਾ ਸਕਦਾ ਹੈ। ਉਹਨਾਂ ਜਿੱਥੇ ਸਹਿਯੋਗ ਲਈ ਜੱਸੀ ਬੰਗਾ ਯੂ.ਐਸ.ਏ., ਸੰਤੋਖ ਲਾਲ ਭਾਰਤੀ ਯੂ.ਐਸ.ਏ., ਸਨੀ ਸ਼ਰਮਾ ਅਤੇ ਜੱਸੀ ਆਰਟਸ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ, ਉੱਥੇ ਹੀ ਕਿਹਾ ਕਿ ਇਹ ਧਾਰਮਿਕ ਵੀਡੀਓ ਟਰੈਕ ਗੁਰੂ ਰਵਿਦਾਸ ਨਾਮਲੇਵਾ ਸੰਗਤ ਨੂੰ ਰੁਹਾਨੀਅਤ ਨਾਲ ਜੋੜੇਗਾ। ਇਸ ਮੌਕੇ ਵਿਜੇ ਦੁੱਗ, ਹਰਮਨ ਦੁੱਗ, ਸੋਨੂੰ ਹੀਰ, ਨੀਤਿਸ਼ ਦੁੱਗ, ਦਵਿੰਦਰ ਮਹੇ ਆਦਿ ਹਾਜਰ ਸਨ।
