ਮਾਨਸਾ 15,ਮਈ (ਸਾਰਾ ਯਹਾਂ/ਰੀਤਵਾਲ): ਜ਼ਿਲਾ ਦੇ ਕਸਬਾ ਬਰੇਟਾ ਦੇ ਧੀਰਜ ਕੁਮਾਰ ਨਾਮ ਦੇ ਇੱਕ ਨੌਜਵਾਨ ਨੂੰ ਅਗਵਾ ਕਰਨ ਦੇ
ਦੋਸ਼ ਚ ਜ਼ਿਲਾ ਬਠਿੰਡਾ ਦੀ ਪੁਲਿਸ ਨੇ ਚਾਰ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ ।ਫ਼ਿਲਹਾਲ
ਅਗਵਾਕਾਰਾਂ ਦੀ ਪੁਲਿਸ ਭਾਲ ਕਰ ਰਹੀ ਹੈ । ਮਾਮਲੇ ਦੀ ਜਾਣਕਾਰੀ ਦਿੰਦਿਆ ਜ਼ਿਲਾ ਬਠਿੰਡਾ ਅਧੀਨ ਪੈਦੀ
ਸੀਂਗੋ ਪੁਲਿਸ ਚੌਕੀ ਦੇ ਜਾਂਚ ਅਧਿਕਾਰੀ ਫਰਮਿੰਦਰ ਸਿੰਘ ਨੇ ਦੱਸਿਆ ਕਿ ਕੁਲਵੰਤ ਸਿੰਘ ਵਾਸੀ ਘੁਰਕਣੀ
ਵੱਲੋਂ ਲਿਖਵਾਏ ਗਏ ਬਿਆਨਾਂ ਅਨੁਸਾਰ ਬੀਤੇ ਦਿਨ ਸ਼ਨੀਵਾਰ ਨੂੰ ਉਹ ਆਪਣੇ ਦੋਸਤ ਧੀਰਜ ਕੁਮਾਰ
ਵਾਸੀ ਬਰੇਟਾ ਨਾਲ ਆਪਣੀ ਚਿੱਟੇ ਰੰਗ ਦੀ ਕਾਰ ਤੇ ਕਾਲਿਆਵਾਲੀ ਮੰਡੀ (ਹਰਿਆਣਾ) ਨੂੰ ਜਾ ਰਹੇ ਸਨ ਤਾਂ
ਰਸਤੇ ‘ਚ ਪਿੰਡ ਬਹਿਮਣ ਕੌਰ ਸਿੰਘ ਜ਼ਿਲਾ ਬਠਿੰਡਾ ਨਜ਼ਦੀਕ ਸਵਿਫਟ ਕਾਰ ਤੇ ਚਾਰ ਨੌਜਵਾਨ ਲੜਕੇ ਆਏ ,
ਜਿਨ੍ਹਾਂ ਵਿੱਚ ਰਿਛਪਾਲ ਸਿੰਘ ਅਤੇ ਗੁਰਪਿਆਰ ਸਿੰਘ ਨਾਮ ਦੇ ਵਿਅਕਤੀ ਸ਼ਾਮਲ ਸਨ । ਜਿਨ੍ਹਾਂ ਨੇ ਬੈਟ ਮਾਰ
ਕੇ ਸਾਡੀ ਗੱਡੀ ਦਾ ਸ਼ੀਸ਼ਾ ਭੰਨ ਦਿੱਤਾ ਅਤੇ ਕੁੱਟਮਾਰ ਕਰਕੇ ਮੇਰੇ ਦੋਸਤ ਧੀਰਜ ਕੁਮਾਰ ਨੂੰ ਅਗਵਾ
ਕਰਕੇ ਲੈ ਗਏ । ਪੁਲਿਸ ਅਨੁਸਾਰ ਅਗਵਾ ਕਰਨ ਵਾਲੇ ਵਿਅਕਤੀ ਰਾਏਪੁਰ ਮਾਖਾ ਪਿੰਡ ਦੇ ਦੱਸੇ ਜਾ ਰਹੇ ਹਨ ।
ਇਸ ਮਾਮਲੇ ‘ਚ ਪੁਲਿਸ ਨੇ ਚਾਰ ਵਿਅਕਤੀਆਂ ਖਿਲਾਫ ਮੁਕੱਦਮਾ ਨੰਬਰ 91 ਦਰਜ ਕਰਕੇ ਵੱਖ ਵੱਖ ਧਰਾਵਾਂ
ਸਮੇਤ ਅਰੋਪੀਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ ।
