ਬੁਢਲਾਡਾ 19 ਅਕਤੂਬਰ(ਸਾਰਾ ਯਹਾਂ/ਅਮਨ ਮੇਹਤਾ): ਕਰਜ਼ੇ ਦੀ ਮਾਰ ਹੇਠ ਮਾਨਸਿਕ ਤੋਰ ਤੇ ਪ੍ਰੇਸਾਨ ਰਹਿੰਦੇ ਨਜ਼ਦੀਕ ਪਿੰਡ ਮੰਡੇਰਨਾ ਦੇ ਕਿਸਾਨ ਵੱਲੋਂ ਜਹਿਰਲੀ ਚੀਜ ਪੀ ਕੇ ਆਤਮਹੱਤਿਆ ਕਰਨ ਦਾ ਸਮਾਚਾਰ ਮਿਲਿਆ ਹੈ। ਇੱਕਤਰ ਕੀਤੀ ਜਾਣਕਾਰੀ ਅਨੁਸਾਰ ਪਿੰਡ ਦੇ ਜਗਦੀਸ ਸਿੰਘ (35) ਲੰਮੇ ਸਮੇ ਤੋਂ ਕਰਜੇ ਕਾਰਨ ਪ੍ਰੇਸਾਨ ਰਹਿੰਦਾ ਸੀ ਜਿਸ ਨੇ ਅੱਜ ਜਹਿਰੀਲੀ ਚੀਜ ਪੀ ਕੇ ਆਤਮਹੱਤਿਆ ਕਰ ਲਈ। ਉਹ ਆਪਣੇ ਪਿੱਛੇ ਤਿੰਨ ਲੜਕੀਆ, ਇੱਕ ਲੜਕਾ ਅਤੇ ਪਰਿਵਾਰ ਨੂੰ ਕਰਜੇ ਦੀ ਪੰਡ ਛੱਡ ਗਿਆ ਹੈ। ਪੁਲਸ ਨੇ ਮ੍ਰਿਤਕ ਦੀ ਪਤਨੀ ਮਨਦੀਪ ਕੋਰ ਦੇ ਬਿਆਨ ਤੇ ਧਾਰਾ 174 ਅਧੀਨ ਲਾਸ ਪੋਸਟ ਮਾਰਟਮ ਉਪਰੰਤ ਵਾਰਸਾ ਨੂੰ ਸੋਪ ਦਿੱਤੀ ਹੈ। ਭਾਰਤੀ ਕਿਸਾਨ ਯੂਨੀਅਨ ਉਗਰਾਹਾ ਦੇ ਮਹਿੰਦਰ ਸਿੰਘ ਭੈਣੀਬਾਘਾ ਨੇ ਕਾਂਗਰਸ ਸਰਕਾਰ ਦੇ ਦੋਸ ਲਾਉਦਿਆਂ ਕਿਹਾ ਕਿ ਇਹ ਸਰਕਾਰ ਦੀਆਂ ਕਿਸਾਨ ਵਿਰੋਧੀ ਨੀਤੀਆਂ ਕਾਰਨ ਕਿਸਾਨ ਖੁਦਕੁਸੀ ਦੇ ਰਾਹ ਤੇ ਪਿਆ ਹੋਇਆ ਹੈ। ਜਿਸ ਦਾ ਨਤੀਜਾ ਕਰਜੇ ਦੀ ਪੰਡ ਹੇਠਾਂ ਦਬੇ ਜਗਦੀਸ ਸਿੰਘ ਨੂੰ ਅਪਣੀ ਜੀਵਨ ਲੀਲਾ ਸਮਾਪਤ ਕਰਨੀ ਪਈ। ਉਨ੍ਹਾਂ ਪੰਜਾਬ ਸਰਕਾਰ ਤੋਂ ਮ੍ਰਿਤਕ ਦੇ ਪਰਿਵਾਰ ਨੂੰ 5 ਲੱਖ ਰੁਪਏ ਮੁਆਵਜਾ ਅਤੇ ਇੱਕ ਸਰਕਾਰੀ ਨੋਕਰੀ ਦੀ ਮੰਗ ਕੀਤੀ ਹੈ।
