ਨਵੀਂ ਦਿੱਲੀ 13,ਮਈ(ਸਾਰਾ ਯਹਾਂ/ਬਿਊਰੋ ਰਿਪੋਰਟ): ਦੇਸ਼ ਨੂੰ ਜਲਦੀ ਹੀ ਇੱਕ ਹੋਰ ਕੋਰੋਨਾ ਵੈਕਸੀਨ (Corona Vaccine) ਮਿਲ ਜਾਵੇਗੀ। ਵੀਰਵਾਰ ਨੂੰ ਨੀਤੀ ਆਯੋਗ (NITI Aayog) ਮੈਂਬਰ ਡਾ: ਵੀ ਕੇ ਪੌਲ ਨੇ ਕਿਹਾ ਕਿ ਅਗਲੇ ਹਫ਼ਤੇ ਤੋਂ ਲੋਕਾਂ ਨੂੰ ਸਪੁਤਨਿਕ ਦਾ ਟੀਕਾ (Sputnik vaccine) ਲਗਾਇਆ ਜਾ ਸਕਦਾ ਹੈ। ਇਹ ਟੀਕਾ ਜੁਲਾਈ ਤੋਂ ਭਾਰਤ (Sputnik in India) ਵਿੱਚ ਤਿਆਰ ਕੀਤਾ ਜਾਵੇਗਾ।
ਨੀਤੀ ਆਯੋਗ ਮੈਂਬਰ (ਸਿਹਤ) ਡਾ: ਵੀ ਕੇ ਪੌਲ ਨੇ ਕਿਹਾ, “ਸਪੁਟਨਿਕ ਟੀਕਾ ਭਾਰਤ ਪਹੁੰਚ ਗਿਆ ਹੈ। ਮੈਂ ਇਹ ਕਹਿ ਕੇ ਖੁਸ਼ ਹਾਂ ਕਿ ਸਾਨੂੰ ਉਮੀਦ ਹੈ ਕਿ ਇਹ ਅਗਲੇ ਹਫਤੇ ਤੋਂ ਮਾਰਕੀਟ ਵਿੱਚ ਉਪਲਬਧ ਹੋਵੇਗਾ। ਅਸੀਂ ਇਹ ਵੀ ਉਮੀਦ ਕਰਦੇ ਹਾਂ ਕਿ ਰੂਸ ਤੋਂ ਟੀਕੇ ਦੀ ਸੀਮਤ ਮਾਤਰਾ ਅਗਲੇ ਹਫਤੇ ਤੋਂ ਵਿਕਰੀ ਸ਼ੁਰੂ ਹੋ ਜਾਵੇਗੀ।”
ਉਨ੍ਹਾਂ ਇਹ ਵੀ ਕਿਹਾ ਕਿ ਜਿਨ੍ਹਾਂ ਟੀਕਿਆਂ ਨੂ FDA ਅਤੇ WHO ਤੋਂ ਮਨਜ਼ੂਰੀ ਮਿਲੀ ਹੈ, ਉਹ ਕੰਪਨੀ ਭਾਰਤ ਆ ਸਕਦੀ ਹੈ। ਆਯਾਤ ਲਾਇਸੈਂਸ ਇੱਕ ਤੋਂ ਦੋ ਦਿਨਾਂ ਵਿੱਚ ਦਿੱਤਾ ਜਾਵੇਗਾ। ਹਾਲੇ ਕੋਈ ਬਕਾਇਆ ਇੰਪੋਰਟ ਲਾਇਸੰਸ ਹਨ। ਡਾ: ਵੀ ਕੇ ਪੌਲ ਨੇ ਕਿਹਾ ਕਿ ਅਗਸਤ ਤੋਂ ਦਸੰਬਰ ਤੱਕ ਸਾਡੇ ਕੋਲ ਅੱਠ ਟੀਕਿਆਂ ਦੀਆਂ 216 ਕਰੋੜ ਖੁਰਾਕਾਂ ਹੋਣਗੀਆਂ।
ਕੇਂਦਰ ਸਰਕਾਰ ਨੇ ਇਹ ਬਿਆਨ ਅਜਿਹੇ ਸਮੇਂ ਦਿੱਤਾ ਹੈ ਜਦੋਂ ਦਿੱਲੀ, ਮਹਾਰਾਸ਼ਟਰ ਸਮੇਤ ਕਈ ਸੂਬਿਆਂ ਨੇ ਟੀਕੇ ਦੀ ਘਾਟ ਦੀ ਸ਼ਿਕਾਇਤ ਕੀਤੀ ਹੈ। ਦਿੱਲੀ ਅਤੇ ਮਹਾਰਾਸ਼ਟਰ ਵਿਚ 18 ਤੋਂ 44 ਸਾਲ ਦੀ ਉਮਰ ਦੇ ਲੋਕਾਂ ਦੇ ਟੀਕਾਕਰਨ ‘ਤੇ ਪਾਬੰਦੀ ਲਗਾਈ ਗਈ ਹੈ।
ਸਿਹਤ ਮੰਤਰਾਲੇ ਨੇ ਕਿਹਾ ਕਿ ਕੇਂਦਰ ਨੇ ਮੌਜੂਦਾ ਟੀਕਾਕਰਨ ਮੁਹਿੰਮ ਲਈ ਕੋਵਿਡ -19 ਟੀਕੇ ਦੀਆਂ 35.6 ਕਰੋੜ ਖੁਰਾਕਾਂ ਖਰੀਦੀਆਂ ਹਨ, ਇਸ ਤੋਂ ਇਲਾਵਾ 16 ਕਰੋੜ ਖੁਰਾਕਾਂ (ਸਿੱਧੀ ਖਰੀਦ ਰਾਹੀਂ) ਸੂਬਿਆਂ ਅਤੇ ਨਿਜੀ ਹਸਪਤਾਲਾਂ ਵਿੱਚ ਪਹੁੰਚਾਉਣ ਦੀ ਪ੍ਰਕਿਰਿਆ ਵਿੱਚ ਹਨ।
ਦੱਸ ਦੇਈਏ ਕਿ ਇਸ ਸਮੇਂ ਇੰਡੀਆ ਬਾਇਓਟੈਕ ਦੀ ਕੋਵਿਕਸਿਨ ਅਤੇ ਸੀਰਮ ਇੰਸਟੀਚਿਊਟ ਦੀ ਕਵੀਸ਼ਿਲਡ ਟੀਕਾ ਲੋਕਾਂ ਨੂੰ ਦਿੱਤੀ ਜਾ ਰਹੀ ਹੈ। ਸਰਕਾਰ ਟੀਕੇ ਦਾ ਉਤਪਾਦਨ ਵਧਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।