ਮਾਨਸਾ 7 ਅਪ੍ਰੈਲ (ਸਾਰਾ ਯਹਾਂ/ਜਗਦੀਸ਼ ਬਾਂਸਲ)-ਸਰਕਾਰੀ ਮਿਡਲ ਸਕੂਲ ਠੂਠਿਆਵਾਲੀ (ਮਾਨਸਾ) ਨੇ ਛੇਵੀ, ਸੱਤਵੀਂ ਜਮਾਤਾਂ ਚੋ ਪਹਿਲੇ ਦੂਸਰੇ ਤੀਸਰੇ ਸਥਾਨ ਤੇ ਰਹਿਣ ਵਾਲੇ ਬੱਚਿਆਂ ਨੂੰ ਘਰ ਘਰ ਜਾ ਕੇ ਸਨਮਾਨਿਤ ਕੀਤਾ। ਜਮਾਤ ਛੇਵੀ ਚੋ ਰਮਨਜੋਤ ਕੌਰ ਨੇ ਪਹਿਲਾ ਗੁਰਕੀਰਤ ਕੌਰ ਨੇ ਦੂਜਾ ਤੇ ਕੋਮਲਪ੍ਰੀਤ ਕੌਰ ਨੇ ਤੀਜਾ ਸਥਾਨ ਹਾਸਲ ਕੀਤਾ ਜਮਾਤ ਸੱਤਵੀਂ ਚੋ ਰਾਜਵੀਰ ਕੌਰ ਨੇ ਪਹਿਲਾ ਸੁਮਨ ਕੌਰ ਨੇ ਦੂਜਾ ਤੇ ਅਮਨਦੀਪ ਕੌਰ ਨੇ ਤੀਜਾ ਸਥਾਨ ਹਾਸਲ ਕੀਤਾ ਹੈ।
ਸਕੂਲ ਮੁੱਖੀ ਰਾਜ ਕੁਮਾਰ, ਗਗਨਦੀਪ ਕੌਰ ਸ ਸ ਮਿਸਟ੍ਰੈਸ, ਸੁਖਦੀਪ ਰਾਣੀ ਸਾਇਸ ਮਿਸਟ੍ਰੈਸ ਨੇ ਬੱਚਿਆਂ ਅਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਘਰ ਘਰ ਜਾ ਕੇ ਵਧਾਈਆਂ ਦਿੱਤੀਆਂ ਅਤੇ ਚਾਕਲੇਟ ਦੇ ਨਾਲ ਸਨਮਾਨਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ, ਭਵਿੱਖ ਵਿੱਚ ਸਖਤ ਮਿਹਨਤ ਨਾਲ ਪੜਾਈ ਕਰਨ ਲਈ ਪ੍ਰੇਰਿਤ ਕੀਤਾ।