ਬਰੇਟਾ 24 ਦਸੰਬਰ (ਸਾਰਾ ਯਹਾ /ਰੀਤਵਾਲ) ਬੀਤੇ ਦਿਨ ਵੀਰਵਾਰ ਦੀ ਸਵੇਰ ਨਜਦੀਕੀ ਪਿੰਡ ਧਰਮਪੁਰਾ ਦੀ ਇੱਕ ਸ਼ਿਵ ਸ਼ੰਕਰ
ਰਾਈਸ ਮਿੱਲ (ਸ਼ੈਲਰ) ‘ਚ ਅਚਾਨਕ ਅੱਗ ਲੱਗਣ ਕਾਰਨ ਲੱਖਾਂ ਰੁਪਏ ਦਾ ਨੁਕਸਾਨ ਹੋ ਜਾਣ
ਦਾ ਸਮਾਚਾਰ ਹੈ । ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਮੌਕੇ ਤੇ ਆਪਣੀ ਪੁਲਿਸ ਪਾਰਟੀ
ਸਮੇਤ ਪਹੁੰਚੇ ਬਰੇਟਾ ਦੇ ਥਾਣਾ ਮੁਖੀ ਜਸਵੰਤ ਸਿੰਘ ਨੇ ਦੱਸਿਆ ਕਿ ਸ਼ਿਵ ਸ਼ੰਕਰ
ਰਾਇਸ ਮਿੱਲ ਦੇ ਮਾਲਕ ਸੁਰਿੰਦਰ ਬਾਂਸਲ ਦੇ ਦੱਸਣ ਅਨੁਸਾਰ ਵੀਰਵਾਰ ਦੀ ਸਵੇਰ 5 ਵਜੇ ਦੇ ਕਰੀਬ
ਝੋਨੇ ਵਾਲੀ ਮਸ਼ੀਨ ‘ਚ ਕਿਸੇ ਖਰਾਬੀ ਕਾਰਨ ਇਹ ਅੱਗ ਲੱਗ ਗਈ । ਅੱਗ ਸਬੰਧੀ ਤੁਰੰਤ ਫਾਇਰ
ਬਿਗ੍ਰੇਡ ਵਿਭਾਗ ਮਾਨਸਾ ਨੂੰ ਫੋਨ ਰਾਹੀਂ ਸ¨ਚਿਤ ਕੀਤਾ ਗਿਆ ਅਤੇ ਫਾਇਰ ਬਿਗ੍ਰੇਡ ਦੀ ਗੱਡੀ
ਨੇ ਤੁਰੰਤ ਪਹੁੰਚ ਕੇ ਸ਼ੈਲਰ ‘ਚ ਲੱਗੀ ਅੱਗ ਤੇ ਕਾਬੂ ਪਾਇਆ ।ਇਸ ਅੱਗ ਦੌਰਾਨ ਝੋਨੇ
ਦੀ ਪੈਡੀ ਅਤੇ ਮਸ਼ੀਨਰੀ ਅੱਗ ਦੀ ਲਪੇਟ ਵਿੱਚ ਆਉਣ ਕਾਰਨ 5 ਲੱਖ ਦੇ ਕਰੀਬ ਦਾ ਨੁਕਸਾਨ ਹੋ
ਜਾਣ ਬਾਰੇ ਦੱਸਿਆ ਜਾ ਰਿਹਾ ਹੈ ।