ਮਾਨਸਾ,11 ਮਾਰਚ (ਸਾਰਾ ਯਹਾਂ/ ਮੁੱਖ ਸੰਪਾਦਕ ) :- ਆਮ ਆਦਮੀ ਪਾਰਟੀ ਦੇ ਮਾਨਸਾ ਹਲਕੇ ਤੋਂ ਡਾਕਟਰ ਵਿਜੈ ਕੁਮਾਰ ਸਿੰਗਲਾ ਤੇ
ਹਲਕਾ ਸਰਦੂਲਗੜ੍ਹ ਤੋਂ ਐਡਵੋਕੇਟ ਗੁਰਪ੍ਰੀਤ ਸਿੰਘ ਬਣਾਂਵਾਲੀ ਤੇ ਬੁਢਲਾਡਾ ਤੋਂ ਪਿੰਸੀਪਲ ਬੁੱਧ ਰਾਮ ਨੇ ਵੱਡੀ
ਲੀਡ ਨਾਲ ਜਿੱਤ ਪ੍ਰਾਪਤ ਕਰਕੇ ਇਤਿਹਾਸ ਸਿਰਜਿਆ ਹੈ। ਜਿੱਤ ਦੀ ਖੁਸ਼ੀ ‘ਚ ਅੱਜ ਬਾਰ ਐਸੋਸੀਏਸ਼ਨ ਮਾਨਸਾ
ਵੱਲੋਂ ਲੱਡੂ ਵੰਡ ਕੇ ਖੁਸ਼ੀ ਮਨਾਈ ਗਈ।ਆਮ ਆਦਮੀ ਪਾਰਟੀ ਦੇ ਜਿਲਾ ਪ੍ਰਧਾਨ ਰਣਦੀਪ ਸ਼ਰਮਾ ਤੇ ਹਲਕਾ
ਇੰਚਾਰਜ ਆਸ਼ੂ ਅਰੋੜਾ ,ਜਿਲੇ ਦੇ ਸਕੱਤਰ ਐਡਵੋਕੇਟ ਅਮਨਦੀਪ ਅਕਲੀਆ ਤੇ ਐਡਵੋਕੇਟ ਵਿਜੈ ਸਿੰਗਲਾ
ਭਦੌੜੀਆ, ਐਡਵੋਕੇਟ ਨਵਦੀਪ ਸ਼ਰਮਾ , ਐਡਵੋਕੇਟ ਹਰਪ੍ਰੀਤ ਸ਼ਰਮਾ ਨੇ ਖੁਸ਼ੀ ਜਾਹਿਰ ਕਰਦਿਆ ਕਿਹਾ ਕਿ
ਪੰਜਾਬ ‘ਚ ਇਕ ਵੱਡਾ ਬਦਲਾਅ ਆਇਆ ਹੈ, ਕਿਉਕਿ ਲੋਕ ਵੀ ਬਦਲਾਅ ਚਾਹੁੰਦੇ ਸਨ। ਉਹਨਾਂ ਪੰਜਾਬ ਦੇ ਲੋਕਾਂ
ਦੀ ਜਿੱਤ ਦੱਸਦਿਆਂ ਕਿਹਾ ਕਿ ਅੱਜ ਆਮ ਵਿਅਕਤੀ ਦੀ ਸਰਕਾਰ ਬਣੀ ਹੈ ਕਿਉਂਕਿ ਲੰਮੇ ਸਮੇਂ ਤੋਂ ਅਕਾਲੀ ਦਲ
ਤੇ ਕਾਂਗਰਸੀ ਪੰਜਾਬ ਨੂੰ ਲੁੱਟਦੇ ਆਏ ਹਨ ਤੇ ਅੱਜ ਲੋਕਾਂ ਨੇ ਆਮ ਆਦਮੀ ਪਾਰਟੀ ਨੂੰ ਫਤਵਾ ਦੇ ਕੇ ਜਿਤਾਇਆ
ਹੈ। ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿਚ ਵੱਡਾ ਬਦਲਾਅ ਆਵੇਗਾ ਕਿਉਂਕਿ ਬਦਲਾਵ ਦੀ ਭਾਵਨਾ ਨਾਲ ਹੀ
ਲੋਕਾਂ ਨੇ ਵੋਟਾਂ ਪਾਈਆਂ ਹਨ। ਆਸ਼ੂ ਅਰੋੜਾ ਨੇ ਕਿਹਾ ਕਿ ਮਾਨਸਾ ਜ਼ਿਲ੍ਹੇ ਦੀ ਸੀਟਾਂ ਦੀ ਗੱਲ ਕੀਤੀ ਜਾਵੇ ਤਾਂ ਇਕ
ਡਾਕਟਰ ਨੇ ਤੇ ਇਕ ਪ੍ਰਿੰਸੀਪਲ ਅਤੇ ਇਕ ਐਡਵੋਕੇਟ ਨੇ ਤਿੰਨੋਂ ਹੀ ਸੂਝਵਾਨ ਪੜ੍ਹੇ ਲਿਖੇ ਐਮਐਲਏ ਮਾਨਸਾ ਜ਼ਿਲ੍ਹੇ
ਨੂੰ ਮਿਲੇ ਹਨ। ਉਹਨਾਂ ਕਿਹਾ ਕਿ ਅੱਜ ਆਮ ਆਦਮੀ ਪਾਰਟੀ ਦੀ ਨਹੀਂ ਆਉਣ ਵਾਲੇ ਨਵੇਂ ਪੰਜਾਬ ਦੀ ਜਿੱਤ ਹੋਈ
ਹੈ ਤੇ ਜਲਦੀ ਨਵੇਂ ਪੰਜਾਬ ਦੀ ਨੁਹਾਰ ਬਦਲਣ ਦਾ ਕੰਮ ਸ਼ੁਰੂ ਕੀਤਾ ਜਾਵੇਗਾ।