ਸਰਦੂਲਗੜ੍ਹ 21 ਨਵੰਬਰ (ਸਾਰਾ ਯਹਾ /ਬਲਜੀਤ ਪਾਲ) ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਝੁਨੀਰ ਵਿਖੇ ਸ਼੍ਰੀ ਗੁਰੂ ਤੇਗ ਬਹਾਦੁਰ ਜੀ ਦੇ 400 ਸਾਲਾ ਪ੍ਰਕਾਸ਼ ਦਿਵਸ ਨੂੰ ਸਮਰਪਿਤ ਵੱਖ-ਵੱਖ ਗਤੀਵਿਧੀਆਂ ਵਿੱਚ ਜ਼ਿਲਾ ਪੱਧਰ ‘ਤੇ ਪੁਜ਼ੀਸ਼ਨਾਂ ਹਾਸਿਲ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਗਿਆ। ਪੁਜ਼ੀਸ਼ਨਾਂ ਹਾਸਲ ਕਰਨ ਵਾਲੇ ਵਿਦਿਆਰਥੀਆਂ ਚ ਜਗਜੀਤ ਸਿੰਘ (ਸ਼ਬਦ ਗਾਇਨ), ਕਮਲਦੀਪ ਸਿੰਘ (ਕਵਿਤਾ ੳਚਾਰਨ), ਸ਼ਮਿਦਰ ਕੌਰ (ਸੁੰਦਰ ਲਿਖਾਈ), ਬਲਜੀਤ ਸਿੰਘ (ਭਾਸ਼ਣ ਮੁਕਾਬਲਾ ਸੀਨੀਅਰ ਵਰਗ), ਦੀਪਇੰਦਰ ਸਿੰਘ (ਭਾਸ਼ਣ ਮੁਕਾਬਲਾ ਜੁਨੀਅਰ ਵਰਗ), ਗੁਰਕਮਲ ਸਿੰਘ ਅਤੇ ਜਸਕਰਨ ਸਿੰਘ (PPT ਮੁਕਾਬਲਾ) ਨੂੰ ਥਾਣਾ ਮੁੱਖੀ ਝੁਨੀਰ ਪ੍ਰਵੀਨ ਕੁਮਾਰ ਵੱਲੋਂ ਵਿਸ਼ੇਸ਼ ਤੌਰ ‘ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਸਮੂਹ ਸਟਾਫ ਦੁਆਰਾ ਦਾਨ ਦੀ ਰਾਸ਼ੀ ਰਾਹੀਂ ਤਿਆਰ ਕਰਵਾਏ ਗਏ ਕਮਰਿਆਂ ਦਾ ਉਦਘਾਟਨ ਵੀ ਕੀਤਾ ਗਿਆ। ਇਸ ਮੌਕੇ ਸਕੂਲ ਪ੍ਰਿੰਸੀਪਲ ਹਰਦੇਵ ਕੁਮਾਰ, ਜਸਪਾਲ ਕੁਮਾਰ ਪਾਲਾ ਰਾਮ ਤੇ ਸਮੂਹ ਸਟਾਫ ਆਦਿ ਹਾਜ਼ਰ ਸਨ।