ਬੁਢਲਾਡਾ 23, ਜੂਨ (ਸਾਰਾ ਯਹਾ/ਅਮਨ ਮਹਿਤਾ): ਕਰੋਨਾਂ ਮਹਾਮਾਰੀ ਦੌਰਾਨ ਇਤਿਆਤ ਵਜੋਂ ਨਿਯਮਾਂ ਦੀ ਪਾਲਣਾ ਕਰਨ ਲਈ ਪੰਜਾਬ ਪੁਲਿਸ ਦੇ ਕਰੋਨਾ ਯੌਧਿਆ ਵੱਲੋਂ ਕੀਤੀਆਂ ਗਈਆ ਸੇਵਾਵਾ ਨੂੰ ਮੱਦੇਨਜਰ ਰੱਖਦਿਆਂ ਡੀ ਐਸ ਪੀ ਬੁਢਲਾਡਾ ਬਲਜਿੰਦਰ ਸਿੰਘ ਪੰਨੂੰ ਵੱਲੋਂ ਬਰੇਟਾ ਥਾਣੇ ਦੇ ਹੋਲਦਾਰ ਸੁਖਜਿੰਦਰ ਸਿੰਘ ਗੋਲਡੀ ਦੇ ਡੀ ਜੀ ਪੀ ਵੱਲੋਂ ਗੋਲਡ ਡਿਸਕ ਲਗਾ ਕੇ ਹੌਲਦਾਰ ਦੀ ਹੋਸਲਾ ਅਫਜਾਈ ਕੀਤੀ ਗਈ. ਇਸ ਮੌਕੇ ਤੇ ਬੋਲਦਿਆਂ ਸ. ਪੰਨੂੰ ਨੇ ਕਿਹਾ ਕਿ ਲਾਕਡਾਊਣ ਅਤੇ ਕਰਫਿਊ ਦੌਰਾਨ ਆਪਣੀ ਜਾਨ ਦੀ ਪਰਵਾਹ ਨਾ ਕਰਦਿਆਂ ਲੋਕਾਂ ਦੀ ਸੁਰੱਖਿਆ ਨੂੰ ਮੱਦੇਨਜਰ ਰੱਖਦਿਆਂ ਇਮਾਨਦਾਰੀ ਨਾਲ ਡਿਊਟੀ ਨਿਭਾਉਣ ਵਾਲੇ ਪੁਲਿਸ ਅਫਸਰਾਂ ਅਤੇ ਕਰੋਨਾਂ ਯੋਧਿਆ ਨੂੰ ਡੀ ਜੀ ਪੀ ਪੰਜਾਬ ਵੱਲੋਂ ਸਨਮਾਨਿਤ ਕੀਤਾ ਗਿਆ. ਉਨ੍ਹਾਂ ਕਿਹਾ ਕਿ ਇਹ ਸਨਮਾਨ ਨਾਲ ਪੁਲਿਸ ਮੁਲਾਜਮਾ ਦੇ ਹੌਸਲੇ ਹੋਰ ਬੁਲੰਦ ਹੋਏ ਹਨ. ਉਨ੍ਹਾਂ ਕਿਹ ਕਿ ਜਿਲ੍ਹੇ ਅੰਦਰ ਐਸ ਐਸ ਪੀ ਮਾਨਸਾ ਡਾ. ਨਰਿੰਦਰ ਭਾਰਗਵ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਕਰੋਨਾ ਮਹਾਮਾਰੀ ਤੋਂ ਬਚਾਉਣ ਲਈ ਅਹਿਮ ਉਪਰਾਲੇ ਕਾਰਨ ਜਿਲ੍ਹੇ ਦੇ ਲੱਖਾਂ ਲੋਕ ਸੁਰੱਖਿਅਤ ਰਹੇ ਹਨ.