*ਖੇਤ ਦੀ ਵੱਟ ਨੂੰ ਲੈਕੇ ਚਚੇਰੇ ਭਰਾਵਾਂ ਵੱਲੋ ਭਰਾ ਦਾ ਕਤਲ, ਸਾਬਕਾ ਐਮ.ਸੀ ਸਮੇਤ ਤਿੰਨ ਵਿਆਕਤੀਆ ਤੇ ਕਤਲ ਦਾ ਮਾਮਲਾ ਦਰਜ਼*

ਸਰਦੂਲਗੜ੍ਹ , 5 ਜੂਨ (ਸਾਰਾ ਯਹਾਂ/ਬਪਸ): ਸਰਦੂਲਗੜ੍ਹ ਵਿਖੇ ਖੇਤ ਦੀ ਵੱਟ ਨੂੰ ਲੈਕੇ ਚਚੇਰੇ ਭਰਾਵਾ ਵੱਲੋ ਆਪਣੇ ਤਾਏ ਦੇ ਲੜਕੇ ਦਾ ਕਤਲ ਕਰ ਦਿੱਤਾ। ਇਸ ਸੰਬੰਧੀ ਥਾਣਾ ਸਰਦੂਲਗੜ੍ਹ ਦੇ ਮੁੱਖੀ ਸੰਦੀਪ ਸਿੰਘ ਭਾਟੀ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਸ਼ਹਿਰ ਦੇ ਕਾਹਨੇਵਾਲਾ ਰੋਡ ਉੱਪਰ ਜਸਵਿੰਦਰ ਸਿੰਘ(45) ਪੁੱਤਰ ਗੁਰਚਰਨ ਸਿੰਘ ਵਾਸੀ
ਸਰਦੂਲਗੜ੍ਹ ਆਪਣੇ ਖੇਤ ਵਿੱਚ ਵੱਟ ਪਾ ਰਿਹਾ ਸੀ ਕਿ ਉਸ ਸਮੇਂ ਉਸ ਦੇ ਚਚੇਰੇ ਭਰਾ ਜਗਸੀਰ ਸਿੰਘ ਜੱਗਾ ਅਤੇ ਗੁਰਦਿੱਤ ਸਿੰਘ ਕਾਲਾ ਨੇ ਅਚਨਚੇਤ ਆਕੇ ਉਸ ਤੇ ਤੇਜਧਾਰ ਹਥਿਆਰਾਂ ਨਾਲ ਹਮਲਾ ਕਰ
ਦਿੱਤਾ। ਮ੍ਰਿਤਕ ਦੇ ਦਿਲ ਕੋਲ ਕਿਰਚ ਆਦਿ ਦੇ ਤਿੰਨ ਡੂੰਗੀਆ ਸੱਟਾ ਦੇ ਨਿਸ਼ਾਨ ਹਨ। ਸਰਦੂਲਗੜ੍ਹ ਪੁਲਿਸ ਨੇ ਮ੍ਰਿਤਕ ਦੇ ਭਰਾ ਹਰਮਿੰਦਰ ਸਿੰਘ ਦੇ ਬਿਆਨਾ ਤੇ ਜਗਸੀਰ ਸਿੰਘ ਜੱਗਾ, ਗੁਰਦਿੱਤ ਸਿੰਘ ਕਾਲਾ ਪੁੱਤਰ ਕਰਨੈਲ ਸਿੰਘ ਅਤੇ ਮ੍ਰਿਤਕ ਦੇ ਚਾਚਾ ਜਰਨੈਲ ਸਿੰਘ ਉਰਫ ਜੈਲਾ ਸਾਬਕਾ ਐਮ.ਸੀ ਵਾਸੀ ਸਰਦੂਲਗੜ੍ਹ ਤੇ ਧਾਰਾ 302, 323 ਅਤੇ 34 ਆਈ.ਪੀ.ਸੀ ਦੇ ਅਧੀਨ ਮਾਮਲਾ ਦਰਜ਼ ਕਰ ਲਿਆ ਹੈ। ਦੋਸ਼ੀ ਪੁਲਸ ਦੀ ਗ੍ਰਿਫਤ ਤੋੰ ਫਰਾਰ ਹਨ। ਸਰਦੂਲਗਾੜ ਪੁਲਿਸ ਆਪਣੀ ਟੀਮ ਬਣਾਕੇ ਕਥਿਤ ਦੋਸ਼ੀਆ ਦੀ ਭਾਲ ਕਰ ਰਹੀ ਹੈ।