ਮਾਨਸਾ 12,ਜੁਲਾਈ (ਸਾਰਾ ਯਹਾਂ/ਬੀਰਬਲ ਧਾਲੀਵਾਲ): : ਸ੍ਰੀ ਰਾਮ ਬਾਗ ਚੈਰੀਟੇਬਲ ਸੁਸਾਇਟੀ ਮਾਨਸਾ ਵੱਲੋਂ ਉਸਾਰੀ ਜਾ ਰਹੀ ਸ਼ਾਂਤੀ ਭਵਨ ਦੀ ਇਮਾਰਤ ਕਾਰਜ ਪੂਰੇ ਜ਼ੋਰਾਂ ਤੇ ਚਲ ਰਿਹਾ। ਇਸ ਬਾਰੇ ਵਧੇਰੇ ਜਾਣਕਾਰੀ ਦਿੰਦਿਆਂ ਸੁਸਾਇਟੀ ਦੇ ਪ੍ਰਧਾਨ ਬਲਵਿੰਦਰ ਬਾਂਸਲ ਨੇ ਦੱਸਿਆ ਕਿ ਸ਼ਾਂਤੀ ਭਵਨ ਦੀ ਇਮਾਰਤ ਦਾ ਨਿਰਮਾਣ ਕਾਰਜ ਬਹੁਤ ਹੀ ਸੁਚੱਜੇ ਢੰਗ ਨਾਲ ਚੱਲ ਰਿਹਾ ਹੈ, ਜਿਸ ਲਈ ਸ਼ਹਿਰ ਨਿਵਾਸੀ ਪੂਰੇ ਉਤਸ਼ਾਹ ਨਾਲ ਮੈਂਬਰ ਬਣ ਕੇ ਇਸ ਕਾਰਜ ਲਈ ਉਹ ਬਹੁਮੁੱਲਾ ਯੋਗਦਾਨ ਦੇ ਰਹੇ ਹਨ। ਇਸੇ ਲੜੀ ਤਹਿਤ ਕ੍ਰਿਸ਼ਨ ਲਾਲ ਗਰਗ ਰਿਟਾਇਰਡ ਐਸ.ਡੀ.ਓ ਸੁਸਾਇਟੀ ਦੇ ਮੈਂਬਰ ਬਣਾਏ ਗਏ। ਉਨ੍ਹਾਂ ਵੱਲੋਂ 31 ਹਜ਼ਾਰ ਦਾ ਚੈੱਕ ਸੁਸਾਇਟੀ ਦੇ ਅਹੁਦੇਦਾਰਾਂ ਨੂੰ ਦਿੱਤਾ ਗਿਆ। ਸੁਸਾਇਟੀ ਦੇ ਪ੍ਰਧਾਨ ਬਲਵਿੰਦਰ ਬਾਂਸਲ ਨੇ ਅੱਗੇ ਦੱਸਿਆ ਕਿ ਇਹ ਇਮਾਰਤ ਸ਼ਹਿਰ ਨਿਵਾਸੀ ਵਰਦਾਨ ਸਿੱਧ ਹੋਵੇਗੀ, ਉਨ੍ਹਾਂ ਸ਼ਹਿਰ ਨਿਵਾਸੀਆਂ ਨੂੰ ਇਸ ਕਾਰਜ ਲਈ ਵ ਯੋਗਦਾਨ ਕਰਨ ਲਈ ਵੀ ਪ੍ਰੇਰਿਆ ਇਸ ਮੌਕੇ ਸੁਸਾਇਟੀ ਦੇ ਜਨਰਲ ਸਕੱਤਰ ਕੰਵਲ ਸ਼ਰਮਾ ਅਤੇ ਨਿਰਮਾਣ ਕਮੇਟੀ ਦੇ ਰਵੀਰਾਜ ਮੰਗੂ ਹਾਜ਼ਰ ਸਨ।ਇਸ ਮੌਕੇ ਅਵਤਾਰ ਸਿੰਘ ਮਾਨ ,ਪ੍ਰਿੰਸੀਪਲ ਨਸੀਬ ਚੰਦ ,ਕੈਸ਼ੀਅਰ ਜੀਵਨ ਸਿੰਗਲਾ, ਸੇਠੀ ਸਿੰਘ ਰਿਟਾਇਰ ਏ ਆਰ ,ਡਾ ਮੋਹਨ ਲਾਲ ਨੇ ਕ੍ਰਿਸ਼ਨ ਲਾਲ ਗਰਗ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਨੇ ਸ਼ਾਂਤੀ ਭਵਨ ਆਪਣੀ ਕਮਾਈ ਵਿੱਚੋਂ ਦਸਵੰਧ ਕੱਢਿਆ।